Mission Co-ordinator Hyderabad-ah
Rev.B.Lalrinawma Mission Co-ordinator chu, ni 26-28 July 2016 a Mission Association Annual General Meeting, Hyderabad-a neih turah, tel turin ni July 25 (Mon) hian a chhuak ang a. A programme anga a kal theih chuan Inrinni-ah Kolkata-ah chhovin Pathianni-ah Kolkata Region hawnna-ah a tel nghal ang.
Kolkata Region hawng dawn
Mission Board Committee-in ruahmanna a lo duan, Assembly 2016 pawhin a lo pawmpui tawh angin BCM Mission Field hrang hrang te, Region pahniha then leh Region thar Kolkata Region chu July 31, 2016 khian hawn a ni dawn a. Hawnna Inkhawm hi Baptist House, Kolkata-ah neih a ni ang, AGS i/c Mission, Rec. Dr.C.Vanlaldika'n a hawng ang.
Work Camp
BCM Serkawn Mission Committee bul tumin, ni 22-30 July 2016 chhung hian Gongrai High School Tripura Field-ah work camp neiin an fehchhuaka, mi 20 vel an kal a, school furnitures a tul ang ang an thawh sak dawn a ni.
Missionaryu furlough
#Nl.Zokaisangi, E.T Chhuahthum, CBC kan nei mek. A ni hian Khawzawl leh Kawrthah Pastor Bial a fang zo tawh a. Bial khat a la bak a ni. Ruahmannaah chuan Zotlang,Aizawl Pastor Bial fang mek tura ruahman mek a ni.
#Rev. Lalrinmawia Renthlei, Thailand te chhungkua chu August thla hian Zoramah Furlough deputation turin an lo chhuak ang a, An ni chhungkua hi Serving In Mission (SIM) leh BCM thawk dunin Thailand ah Church planting ministry ti turin tirh an ni a. SIM Office Shillongah inreport hmasa in zoram ah thla ruk vel hun hman an tum ang.
#Nl.T.Lalzamlovi E/T Rotlang West Bru mission-a thawk mek pawh hun remchang hmasa berah Furlough Deputation programme hmang turin a rawn chhuak ang. A lo chhuah hun tur hi ruahman fel a la ni rih lo a ni.
Missionary Damlo:
# Nl.Lalrimtuii E/N Bethbunia-a thawk mek chu Kal lam insawiselin Christian Hospital, Serkawn-ah kar hmasa Dt 14.7.2016 khan admit a ni a, investigation hrang hrang tih mek a ni .
#Pi Laltlanpuii Headmistress, BMS Tuichawng pawh awm nuamlo khawsik avangin a duty pawh a ti khaihlak ve deuh va, a thawhna hmun Tuichawngah natna chu a tuar niin thu kan dawng.
Annual working report thehlut mek
Tunlai hian Mission Field hrang hrang Annual working report First Quarter April to June buatsaih mek a ni. Field Dirctor leh School Head lamin reprt hi Headquarters lamah pawh dawn a ni nual tawh. La pe lo/ thehlut rihlo pawh engemaw zat an awm a, pe thuai tura tih mek an ni. Annual Working report hi a nihna takah chuan Achievement report a ni.
Sikkim Biak In sak tanpui dilna pawm
Mission Board Committee Meeting, July 19, 2016-a neih chuan Baptist Church Sikkim (BCS) Biak In sak tanpui dilna Field Director West Bengal Field atanga lo kal chu tanpui tha a ti a. Hemi atan hian a tanpui thei Kohhranah dil a remti bawk a, Kohhranho thilpek atanga Sikkim Buddhist Lalramah Biak in tha tak sak theih beisei a ni.
