Karleh Ningani, April 30, 2015 khian Theological Board meeting pawimawh tak, AICS, Tanhril, Aizawl-ah neih a ni dawn a; hetah hian AICS-a BD zir dilte inlan (personal interview) tura beisei a ni. He mi hma April 28,29 hian Written test leh Faculty Interview neih hmasak tur a ni ang. Kuminah hian BD zir dil mi 58 zet an awm awm a ni.
Lidya Project Meeting nei dawn:Hemi ni vek hian Mizorama Kohhran pathum- BCM, LIKBK leh Zomi Baptist te thawhhona project pawimawh tak, BCM Relief & Development Department-in a kalpui mek, Lidya project chungchangah an hotute phai lam atanga lo kalte nen April 30, 2015 hian Hotel Grand, Aizawlah meeting neih a ni dawn a. BCM atangin General Secretary Rev. H. LIanngaia, AGS i/c Service-Rev. Lalbiaksanga Chinzah leh Executive Secretary, Aizawl - Rev. Dr. V. Laldingliana leh R&D Director - Pu MS Dawngliana te an tel ang.
