Medical & Health Department Committee Meeting[/caption]
Vawiin, October 18, 2019 khan BCM Committee room, Serkawnah Medical and Health Department Committee Meetingย neih a ni a. Meeting hi Rev. R. Lalbiakliana, AGS i/c Service-in kaihruaiin Medical Superintendent Upa Dr. Lalramzauaโn report tlangpui a pe.
He Meeting-a an thu ngaihtuah langsar zingah - Christian Hospital Khualbuk sak chungchang thu te, Medical Staff Contract-a thawk mek te rawih chhunzawm chungchang leh Project kal lai mek leh Project thar atana sum mamawh Property Committee-a thlen tur te bakah kum 2020-2021 Annual Plan leh Budget te an thlir ho bawk.
[caption id="attachment_9316" align="aligncenter" width="720"]
Christian Hospital Serkawn[/caption]
Upa Dr. Lalramzauva, Medical Superintendent chuan Christian Hospital, Lawngtlai tan Ultrasound khawl thar lei fel a nih thu leh Computerised X-ray Machine thar pawh chah mek a nih thu te, Medical Doctor pakhat lak thar a nih thu leh Eye Care Community & research Centre leh Christian Hospital Serkawn Vision Centre te tangkawpin thla tin Aizawl atangin mi lama Doctor thiamte Serkawn-ah lo kalin damlote inentirna hawn thin tura ruahmanna siam mek a nih thu a report-ah a tarlang bawk. Heng bakah hian Christian Hospital Nurse te Diploma Course zir zo mi pathum ten an zirlai tha taka zovin an hna an zawm tawh thu a tarlang bawk.
