June 18, 2022 (Inrini)  khan 'Mizoram BMP Inkhawmpui 2023 Hnahthial' Organising Committee leh Sub-Committee 13 a Chairman leh Secretary te aMeeting Hnahthial Bazar Pastor Bial inah neih a ni a, mi 29 zet he joint meeting ah hian an kal.

Meeting hi Rev. TC. Vanlalmalsawma Organising Committee Chairman in a kaihruai a, Secretary Rbt. F. Lalbiakthanga hnen atangin report ngaihthlak a ni. MBMP inkhawmpui Chungchang Thehdarhna atan Ni. 17.07.2022 (Pathianni) zing inkhawmah hian Organising Committee member te insem darhin Hnahthial khawchhunga Pastor Bial 3-a tualchhung Kohhran hrang hrangah hun hman turin ruahmanna siam a ni.

Fund Rising Committee atangin sum dinhmun report a ni a, sumtuakna atan theih tawp chhuah mek zel a ni a, tun dinhmunah Inkhawmpui budget Rs. 35 lakh atangin Rs. 23 lakh nei thei tawh tura ngaih a ni a, thawh chhuah ngai hi Rs.12 lakh vel la awm a ngaih a ni. Sum tuak tur hian a theih chin chinah Sorkar pur loin Hnahthial khawchhung a Pastor Bial 3  leh Tualchhung

Kohhran tinte bakah Fellowship Department te hnenah an remchan ang thawh tura ngenna siam nise tih a ni.

Sub Committee hrang hrang atangin hmalak tawh dan leh hmachhawp te ngaihthlak a ni a.  Chak taka hma lak chhoh zel a nih thu dawn a ni a. Organising Committee in Sub Committee te tih tur leh mawhphurhna hrang hrang ruahmanna a siam chu pawm a ni bawk. MBMP inkhawmpuiah hian palaiten an chhiar theih turin Booklet siam nise tih a ni a, Information & Publicity te kutah dah a ni.

MBMP Inkhawmpui 2023 hi Hnahthial Block Sport Committee (HBSC) Ground No. 1 Bazar ah Pandal sain neih tura ruahman a ni a, a dung 150ft leh a vang 100ft a sak tum a ni.