Mizoram BMP Inkhawmpui - 2023 , Organising Committee leh Mizoram BMP hruaitute chu May 15, 2022(Pathianni) khan Inkhawmpui inbuatsaihna atana hmalak tawh dante leh thil tul hrang hrang te thlir hoin, Hnahthial Bazar Pastor Biak In-ah meeting an nei.
Meeting hi Rev. H. Lalfakzuala MBMP Secretary in a kaihruai a, Hqrs lam atanga inkhawmpui hun leh programme tlangpui ruahmanna an siam tawhte tarlangin, MBMP Fin. Secy hnen tangin sum dinhmun ngaihthlak a ni bawk.
MBMP Inkhawmpuina atan hian Budget Rs. 35 lakh ruahman a ni a, Hqrs atangin Rs. 18 lakh hmuh beisei niin Rs. 17 lakh hi a dawltu lam thawhchhuah tura beisei a ni. Member tin atangin inkhawmpuina atan Rs. 50/- thawh tur a ni a, hei hi a nih anga a luh theih chuan Hqrs thawh tur hi chu tlin theih beisei a ni a.
A dawltu lam Fund Rising Committee pawhin theih tawp chhuahin hma an la chho mek a, Bialtu MLA, Dr. R. Lalthanglianaโn a mimal sum atangin cheng nuai khat Inkhawmpui tanpui nan a pek tawh bakah, theihtawp chhuaha hmalakpui a tum thu te report ah hian tarlan a ni.ย He joint meeting ah Rorelna hmun tur chungchangte sawiho a ni.
MBMP lam atang hian Secretary bakah Pu Chawngrolura Chawngthu President, Pu R.Liankunga V.President, Pu Lalawmpuia Asst.Secretary leh Pu Vanlalpeka Fin Secy te an tel a ni.
