[caption id="attachment_10120" align="alignright" width="300"]
Rorel zawh-ah Chawhlui an kil ho[/caption]
Rorel zawh-ah Chawhlui an kil ho[/caption]
February 16, 2017 (Ningani)-a Mizoram Baptist Kohhran Hmeichhe Pawl (MBKHP) Rorel vawi 67-na Mizoram Baptist Kohhran Biak In, Gilgal, Theiriat-ah neih chu tluang takin an zo ta a, hriat theih chinah rorel palai 484 an kal. Rorel banah a dawltu Theiriat Kohhranin palaite tan chawhlui an buatsaih sak chu an kilho nghal a ni.
MBKHP Rorel Inkhawm hi Pi F. Lalrochami, President-in a kaihruai a, Devotions hun a hman zawhah Palai te chibaibukna neiin kaltate sunna hun hman a ni. Vawiin Rorel-ah hian Agenda 38 awmin MBKHP Executive atangin Agenda 4 leh Bial atanga agenda 34 ngaihtuah a ni. Hengte hi an thu passed te an ni:-MBKHP ROREL 2017 : THU PASS- TE
- MBKHP atang hi chuan, ‘Kum khatah vawi 2 fehchhuah’ leh ‘theih ang ang pek,’ tih hi vawi 2 aia tam lo neih ni se.
- BCM Mission Field te theih ang anga tanpui ni se.
- Missionary Day January ni 11 pualin tawngtai ni se.
- Christian Hospital, Serkawn ICU-a hman tur Ventilator lei nan Unit tin vawikhat fehchhuah neih nise.
- Christian Hospital Lawngtlai hi MBKHP ten Unit tinin theih ang angin building sak nan tanpui nise
- Buhfaitham Pathianni hian Local channel-ah MBKHP Hruaitute zinga miin buhfaitham rawngbawlna thuchah sawi thin nise.
- MBKHP huapin Mizoram chhunga Jail hrang hrangah jail tangten Thlarau Thianghlim harhna an chan theih nan BKHP inkhawm zan tawngtai thupui pakhatah neih ni rawh se.
- Zemabawk Cancer Hospital hi MBKHP Unit tinin poor fund atan theih ang anga tanpui ni rawh se
- Media lama chak zawka kan kal theih nan BCM hian nasa zawkin hma la rawh se.
- Budget cheng nuai 10 (1,000,000/-) passed a ni bawk.
[caption id="attachment_10098" align="aligncenter" width="1280"]
MBKHP Rorel 2017[/caption]
Kum 2018 MBKHP Inkhawmpui chu Lunglawn Pastor Bial-ah nghah a ni ang.
