Mizoram Baptist Hmeichhe Pawl (MBKHP) Inkhawmpui, February 1-4, 2018-atan a dawlna tur Pandal chu nimin, November 20,2017 khan Lunglawn mualah sak țan a ni ta. Pandal hi YMA Sub Hqrs Lunglei pandal structure hmanga sak a ni a, a chhûngah mi 6,500 nuamsa taka țhut theihna tura ruahman a ni.

MBKHP Inkhawmpui dawltu tur Lunglawn Pastor Bial a inpuahchah nasa tawh hle a, Inkhawmpui Budget atana an ruahman nuai 35 pawh an tlin tawhin, ruahmanna tlangpui pawh siam fel a ni tawh bawk. Inrinni khan Inkhawmpui pual hian Lunglawn East Biak Inah tawngțai Inkhawmpui buatsaih a lo ni tawh bawk a, tel an țhahnem hle.

Inkhawmpui pandal chhûng leh pawn cheitu tur Decoration Sub Comt chuan color theme atan rawng hring leh var an thlang a, Pangpar lem hmang lova pangpar tak tak a tam thei ang ber hmang turin Lunglawn Pastor Bial Kohhran panga-a nu ho ten pangpar an ching mêk a, inkhawmpui hunah lakkhawm a ni ang.