Mizoram Baptist Kohhran Hmeichhe Pawl (MBKHP) Rorel vawi 64-na chu Vawiin, February 13, 2013 hian Mizoram Baptist Kohhran Biak In, Zotlang North, Lunglei-ah neih mek a ni a. Vawiina Rorel palai  kan hriat theih chin 440 an ni.  MBKHP Rorel-ah palai thei chin inkaihhruaina-in a sawi chu  - Unit aiawh pakhat theuh leh Bial aiawh pahnih theuh bakah MBKHP Executive Committee members leh MBKHP OB te an ni.

MBKHP Organiser report-a tarlan danin tunah hian BKHP te hi Bial 75-ah Unit 416 an awm a, BKHP member zawng zawng 28097 an awm mek a. Nikum (2013) aia member punna chu 1611 an ni.

Tunah hian Rorel Inkahwm neih mek a ni a, Thurel kan hre hman rih lo a ni.

Organiser Report : 

Vawiin Rorel tur Agenda te:-

‘A’     MBKHP EXECUTIVE COMMITTEE THU (AGENDA) TE :

1. Thu leh awm hma loh chuan MBKHP anga fehchhuah hi kum khatah vawi thum aia tamlo neih nise.
2. Chhawmdawlna In-ah hian Family Quarter sak nise, hemi atan hian Unit tinin kan vawikhat inkhawm thawhlawm pek theuh nise.
3. Chhawmdawlna In hmasawnna turn hma lak nise.
4. Kum 2015 MBKHP Inkhawmpuinaa kan Missionary hmeichhiate chahchhuah nan Unit tinin theih ang anga sum tuak nise.
5. MBKHP Budget, 2014 atan F.O.D. chuan Budget Ceiling Rs. 7,00,000/- min siamsak a, hmanna tur hetiangin ruahman a ni :

1) Missionary Support                            -           Rs.  1,35,000.00 2)  F.O.D.                                                -           Rs.     60,000.00 3)  Chhawmdawlna In                            -           Rs.  1,30,000.00 4)  IBWU Plaina (2014)                          -           Rs.     35,000.00 5)  NEICC/WA Palaina                          -           Rs.     50,000.00 6)  MBKHP Unkhawmpui tanpuina       -           Rs.     50,000.00 7)  Mission Platinum (BCM)                   -           Rs.     10,000.00 8)  ABWU Plaina (2018)                        -           Rs.     30,000.00 9)  General Fund                                     -           Rs.  2,00,000.00   ‘B’       PASTOR BIAL ATANGA THU (AGENDA) LUTTE :

1. B.C.O. pualin Unit tinfehchhuah nise. (Bawngkawn Bial)
2. B.C.O. (Nauhnuchham) hi BKHP Unit tinin tanpui ve ila.(Zotlang Bial)
3. B.C.O. Serkawn tanpui nan Unit tin vawikhat fehchhuah nise.(Lunglawn Bial)
4. Baptist Church Orphanage (Nau Hnuchham) tanpui nise.(Tlabung Bial).
5. B.C.O. hi Unit tinin a remchan dan ang angin tanpuina pek nise.(Lawngtlai ‘S’ Bial)
6. Christian Hospital, Serkawna hman tur Chhulhmawr enna khawl (Colposcope) BKHP ten lei nise. ( Zotlang Bial)
7. Christian Hospital, Serkawna hman turin chhulhmawr khawl enna (Colposcope) leina tur   tuak nise. (Serkawn Bial).
8. Nursing School Hostel, Serkawn a sak mek hi Unit tinin vawikhat fehchhuah a tanpui nise. (Serkawn Bial.)
9. Christian Hospital, Lawngtlai hi MBKHP in theih ang anga tanpui ni se.(Lawngtlai ‘N’ Bial).
10. HATIM tanpui nise. (Bazar Bial).
11. HATIM Boys Hostel saknan unit tin vawikhat fehchhuah neih nise.(Theiriat Bial).
12. HATIM hi Unit tinin theih ang anga tanpui nise. (Serkawn Bial)
13. HATIM pualin Unit tinin vawikhat fehchhuah neih nise.(Electric Bial)
14. HATIM puala Unit tin fehchhuah nise.(Lunglawn Bial).
15. Ram pum huapa awmni khama Chawnghei Tawnggtai neih nise, kan rama sualna a lo nasat tawh em avangin sual thupha chawina te, Zu leh Ruihhlo ngaite leh a zuartute tan tawngtai  sakna neh nise. (Bazar Bial).
16. Kan ram tan, Missionary-te tan leh kan rama Thlarau Thianghlim harhna a lo thlen theih nan chawnghei tawngtai neih nise, kan ei ai kenkhawm a, chu chu Missionary harsatna tawkte tan  pek nise. (Serkawn Bial).
17. Missionary-te tan, Kan ram (Mizoram) tan leh Thlarau Thianghlim harhna a lo thlen theih nan chawngheia tawngtai neih nise. (Zotlang Bial).
18. Missionary-te puala chawnghei tawngtaina neih nise, ei ai kenkhawm a, Missionary dam lote  tanpui nana pek nise.(Lunglawn Bial).
19. Kum 2014 hian MBKHP in subject hrang hranga chawnghei tawngtai neih thin hi chaw  nghei tawh lovin tlaivara tawngtai ni tawh se.(Bungtlang Bial).
20. Awmni khama tawngtai neih nise, tawngtai subject atan : (Haulawng Bial).
21. Ram tana tawngtai nise (Lawngtlai ‘N’ Bial).
22. Missionary-te pualin Unit tinin zan khat a ruala tlaivara tawngtai neih nise (Lawngtlai ‘S’ Bial).
23. Ruhhlo ngaite leh kan rama sualna lo pung zel leh Missionary-te pualin chawnghei tawngtai neih ve nise.(Hauruang Bial)
24. Ruihhlo ngaite puala tawngtai neih nise. (Zawlnuam Bial)
25.  Ruihhlo ngaite puala tawngtai neih nise.(Lunglawn Bial)
26. The Leprosy Mission (TLM) tanpui ve nise.(Hnahthial ‘N’ Bial)
27.  MBKHP Inkhawmpui tanpui nan unit tin vawikhat fehchhuah neih nise.(Lawngtlai ‘E’ Bial).
28. MBKHP Inkhawmpuiah Bial hrang hrangten item pakhat tal zaipawl emaw changvawn en lova sawirual nise.(Bawngkawn Bial).
29. MBKHP thuzir bu hi kum tinin January thla ah zir tan theih tura buatsaih nise. Tun aia uluk zawk leh felfai zawka chhut ni bawk se.Bawngkawn Bial).
30. Pathian thu, chhungkuaa nitin kan zir tur hi BCM hian siam ni rawh se.(Buarpui Bial).
31. Pastor Bial tinah Kohhran Upa nupuite puala Retreat neih ve nise. (Champhai Bial).
32. MBKHP-in ‘Mirethei kuttualleichham chawmtu neilo tanpuina’ kan kalpui mek hi ‘Mi rethei kuttualleichham tanpuina’ tia thlak ni rawh se.(Lawngtlai ‘N’ Bial).
33. Inkaihhruaina siam that rawtna:

  1. MBKHP Inkaihhruaina Dan Bung 8.17(1) “© Thlan member te : Bial BKHP Office   Bearer leh Senior Adviser ten term khat atan Executive Committee Member atan mi sawm  leh panga aia tam lo an thlang ang” th hi siamthat nise, siam that duh dan-hetiangin – “Bial BKHP Office Bearer leh Senior Adviser ten term khat atan Executive Committee Member atan mi 20 (sawmhnih) aia tam lo an thlang ang   2. MBKHP Inkaihhruaina Dan Bung 8.18 (1) “© Thlan memberte : Mizoram BKHP Office Bearer ten term khat atan Executive Committee Member mi sawm leh panga aia tam lo an thlang ang,” tih hi siam that bise, siamthat duh dan-hetiangin – “Mizoram BKHP Office Bearer leh (Senior Adviser) ten term khat atan Executive Committee Member mi 20 (sawmhnih) aia tam lo an thlang ang. (Rahsiveng Bial).