North East India Christian Council-Women Association (NEICC-WA) exchange visit programme-in, MBKHP hruaitute mi 8 chu an President Pi F. Lalrochami hovin  Nagaland Baptist Church Council Women's Deparment Kohima, Nagaland tlawh turin September 27 khan Lunglei an chhuahsan. Vawiin, September 29 tlai lam hian Kohima thleng tura beisei an ni a, September 30-ah Kohima Town chhunga Baptist Hmeichhe Pawl hrang hrangte nen programme an hmang ho ang a, October 1 (Inrinni)-ah Dimapur tlawhin an hmeichhe Pawl Project an enpui ang a, tlai lamah Shillong rawn chuang chhuakin Shillong-ah pathianni an cham ang.

Hetiang Intlawhtawn Programme hi NEICC-WA hian North East- India-a Baptist hmeichhiate rawngbawlna inhriattawn nan leh inpawhna tha zawk an neih theih nan kum tinin an lo buatsaih thin a. Kum hmasa lama te pawh Mizoram rawntlawhin State dang atangin Baptist Hmeichhe Pawlte hi an lo kal tawh a ni.