May 14-15, 2022 (Inrinni leh Pathianni) hmang khan Mizoram Baptist Kohhran Hmeichhe Pawl (MBKHP) hruaitute chu thuang hnihah in thenin Diltlang Pastor Bial leh Zemabawk Pastor Bialah te an feh chhuak a.
Diltlang Pastor Bial ah hian MBKHP hruaitu te hi Seminar neihpui tura sawm an nih ang in Secretary Lalhmingmawii Chongthu, Fin.Secretary Dr.Zoramthangi leh Executive Committee member Pi V.Zothanbuangi te an kal a, May 14 (Inrinni) ah BCM Biak in Gilead Diltlangah “Fanau Enkawl” tih thupui hmangin Seminar neih a ni a, Dr.Zoramthangi Resource Person a ni.
Zan lam inkhawm ah Pi V.Zothanbuangi'n thuchah a sawi. May 15 (Pathianni) zing inkhawmah Lalhmingmawii Chongthu in thuchah sawiin chawhnu ah Chhawmdawlna In Pualin hun hman a ni. Zan lam inkhawm ah Dr.Zoramthangin thuchah a sawi. Diltlang Bial-ah hian Tualchhung Kohhran panga awmin BKHP an ding vek a. Bial pumpui-ah BKHP member 269 an awm a ni.
May 14-15, 2022 vek khan MBKHP ten an kalpui mek “Tlawh khat Bial” tlawh programme-in BKHP Zemabawk Pastor Bial-ah an feh chhuak bawk a. MBKHP Vice-President Rbt.H.Lalkimi leh Executive Committee member Pi Lianropuii leh Pi K.Lalramzauvi te an kal. He Programme-ah hian “Inring rengin awm rawh u” (Marka 13:37) tih chu thupuiah hman a ni.
MBKHP hruaitu te hi BCM Biak in Zembabawk ah Bial BKHP ten lo dawngsawngin programme pawh buatsaih a ni a, Inrinni zan Inkhawmah Pi Lianropuii’n thuchah a sawi a, pathianni zing leh Pathianni zan inkhawmah Rbt.H.Lalkimi, Vice President, MBKHP-in thuchah a sawi bawk. Pathianni chawhnu-ah Fellowship neih a ni a, MBKHP leh Zemabawk Pastor Bial BKHP Report te ngaihthlak a nih bak ah, MBKHP lam atanga sawiho tura ruahman - BKHP Dinchhan leh Thil tumte tih leh Buhfaitham chungchang sawihawnna te leh, Chhawmdawlna In leh Drop In Centre chungchang sawihona te neih a ni bawk.
