Kar hmasa Zirtawpni - January 27, 2023 chawhma dar 11:30 khan Sap Upa & Pu Buanga Hall, Hqrs.Office, Serkawnah MBKHP Executive Committee Meeting neih a ni a. BMKHP President Pi PC.Lalvohbiki’n meeting kaihruaiin, tun tumah hian Committee member 26 an tel thei a ni.
Secretary Lalhmingmawii Chongthu hnen atangin November 2022 atanga January 2023 chhung MBKHP rawngbawlna report tlangpui ngaihthlak a ni a. Report chuan - kum 2023 MBKHP Rorel atan Bial 21 atangin Agenda 38-a luh thu te, MBKHP Hruaitute rawngbawla zinchhuahna hrang hrang leh MBKHP hruaitu mi pathum (Rbt.F.Lalrochami, Rbt.F.Zanguri leh Rbt.B.Singpari) te chu an lawina Kohhranah Kohhran Upa atana thlan an nih thu te a tarlang a ni.
Meeting-chuan 2023 MBKHP Rorel, BCM Biak In, Ramthar Lungleia neih tur atana tul hrang hrangte thlirin ruahmanna a siam a. Kum 2022 BKHP Day thawhlawm hman dan tur siamin - BCO tanpui nan Rs.87,180/- (singriat sangsarih za sawmriat) leh HATIM tanpui nan - Rs.150,000/- (nuaikhat singnga) pek turin a rel a, heng bakah hian Area pathum Hqrs (Lunglei) Area, Aizawl Area leh Lawngtlai Area -a kohhran harsa zual pakhat zel tanpui nan Rs.50, 000 (cheng singnga) theuh ni se, Area BKHP Coordination Committee ten hma lo la se tih te an rel a. Kumin BKHP Day –ah Unit tinin an remchan angin hnatlang neih ni se la, Hemi bak BKHP Day Programme kimchang chu Unit kutah dah a ni bawk.
Evangelical Church of Maraland Nu Pawl Inkhawmpui leh Mizoram Presbyterian Kohhran Hmeichhe Inkhawmpui Lian lo awm turah MBKHP hruaitute palai intir tura sawm an nih angin palai kal turte ruat fel an ni bawk.
