May 18, 2022 (Nilaini) chawhma dar 11 khan Sap Upa & Pu Buanga Hall, BCM Hqrs Office, Serkawn-ah Mizoram Baptist Kohhran Hmeichhe Pawl Executive Committee Meeting neih a ni a. Meeting hi President Pi PC.Lalvohbiki’n a kaihhruai a, Secretary Lalhmingmawii Chongthu hnen atangin April 7- May 18, 2022 chhunga MBKHP rawngbawlna report ngaihthlak a ni.
Report ah hian MBKHP hruaitu ten Tlawh khat Bial Tlawh Programme-in BKHP Zemabawk Pastor Bial an tlawh thu te, Bial ding thar pahnih BKHP Khumtung Pastor Bial leh BKHP Mampui Pastor Bial te tlawh a nih thu leh BKHP Rahsiveng Unit Platinum Jubilee leh BKHP Chhipphir Unit Platinum Jubilee an hmanpui thu tarlan a ni.
MBKHP hruaitu te hian BKHP Diltlang Pastor Bialah Bial huap seminar an hmanpui thu te, kumin April 27, 2020-a India Baptist Women’s Union (IBWU) Executive Committee Kolkata-a neihah Dr.Zoramthangi a tel thu leh April 28-29, 2022 chhunga IBWU President’s Summit Kolkataa neihah Lalhmingmawii Chongthu a tel thu Secretary report ah hian tarlan a ni a. Kum hnih chhung zet hrileng avangin BKHP day hmang thei lova an awm hnuah kumin BKHP day chu Unit hrang hrangte’n hlung takin an hman theih thu leh Unit thenkhat ah phei chuan ruai nena BKHP day hmang thei an awm thu report a ni bawk.
Meeting-ah hian IBWU atanga bawhzui tur awm ang angte bawhzui dan turte, Fellowship department Committee lo awm tur atana MBKHP agenda tur te ngaihtuah a ni a. Aizawl Area BKHP Co-ordination Committee in September 3, 2022 (Inrinni) a Joint Fellowship an neihna turah sawm an nih angin MBKHP hruaitu kal turte thlan fel a ni bawk.
