[caption id="attachment_14329" align="alignright" width="265"] MBF Confenrence[/caption]

Kum hnih dana neih thin, Mizoram Baptist Federation Conference vawi 3-na (MBF 3rd Biennial Conference) chu May 24-26,2019 khan “Inhmangaih tawnna,” (John. 13:34) tih thupuia hmangin Mizoram Baptist Kohhran Biak In, Hnahthial Bazar-ah neih a ni a, MBF Member Church paruk te atangin palai an arawn in tir thei vek a. Palai bakah Zaipawl - BCM Choir, LIKBK Choir, CCI(M) Choir te bakah Hnahthial khawpui chhunga Pastor Bial lehTualchhung Kohhran Zaipawl zai tura ruat ten an ti thei deuh vek bawk.

A tan zan atangin zan tin Pathian Biak Inkhawm neih thin a ni a. Inrinni chawhma lamah Inkhawm awm lehin chawhnu lamah MBF Rorel neiin Kohhran aiawh theuh Rorel palai ten ro an rel a. Pathianni zing leh zanah te Inkhawm awm lehin Pathianni chawhnu-ah Fellowship neih a ni bawk.

Inrinni chawhnu dar 1:00 MBF Rorel Inkhawm Hnahthial Bazar Biak Ina neih chu Rev. F. Ramdinmawia, President, Mizoram Baptist federation-in a kaihruai a. MBF Secretary Rev. C. Hrangzuala'n report tlangpui a pe. He rorel-ah hian palai member 76 an kal. Secretary report-in a tarlan danin  MBF-ah hian Kohhran 6 telin, hetiang hi Kohhran hang hrang member dinhmun a ni:-

1. Baptist Church of Mizoram (BCM) : 2. Lairam Isua Krista Baptist Kohhran(LIKBK): 3. Congregational Church of Maraland (CCIM): 4. Isua Krista Kohhran (Bualpui NG): 5. Evangelical Baptist Church (EBC): 6. Zomi Baptist Church (ZBC): Total

173,373 30,112 4,500 4,300 42,00 48,000 221,285

  An thurel tlangpui hengte hi a ni:- 1. Full time worker/Clerk rawih chungchang Meeting hmasaa rel chu a tul angin Secretary-in lo bawhzui zel se, General Body aiawhin a tul apiang lo bawhzui rawh se tih a ni. 2. Seminar neih te, Society Registration chungchang te, Member Church hruaituten tlawh chhuah chungchang te a tul angin hma la tura ruat ten hma lo lain bawhzui zel se tih a ni. 3. MBF Kohhrante hian tahwhhona tha leh inpumkhatna tha zawk a neih theih nan Pulpit exchange programme neih tha tih a ni a, Executive Committee-in a tihhlawhtlin dan lo ngaihtuah rawh se tih a ni. 4. MBF hmalakhona sawt zawka kalpui a nih theihna tur leh Social Issue lama chak zawka hma lak a nih theih nan Social Forum/wing din chungchang Executive Committee kutah dah a ni. 5. Kum 2021 4th Biennial Conference chu LIKBK in host se tih a ni a, a dawltu tur Kohhran(Local Church) chu Meeting hmasa berah ngaihtuah atan dana  ni. 6. Kum 2019-2021 chhunga MBF hruaitu leh Auditors atan hengte hi thlan an ni:- Chairman : Rev. F. Ramdinmawia (GS, BCM) Vice Chairman : Upa L. Laizika (EBC) Secretary : Rev. B. Zazawna Lai (GS, LIKBK) Asst. Secretary : Rev. Lalhuapliana (AGS, IKK) Treasurer : Rev. Dr. LH. Lalpekhlua (AGS i/c Service, LIKBK) Asst. Treasurer : Rev. Daidothang (ES, ZBC) Auditors: 1. Rev. R. Lalnunzira (ES, BCM, Lawngtlai) 2. Rev. Sumeon Remlalnghaka (Finance Manager, LIKBK)