Kum hnih dana neih thin, Mizoram Baptist Federation Conference vawi 3-na chu May 24-26,2019 hian Mizoram Baptist Kohhran Biak in, Hnahthial Bazar Biak In-ah neih a ni dawn a, thupui atan "Inhmangaih tawnna,” (John. 13:34) tih thu hman a  ni ang a, thuchah hi mi hrang hrangin an sawi ang.  

Conference chhung hian zantin vantlang Inkhawm a awm ang a, thupui then hrang hrang hmangin thuchah ngaihthlak thin a ni ang. Inkhawm apiangin mal zai-1 leh zaipawl 3/4 a awm ziah dawn a ni. Inrinni chawhma lamah vantlang Inkhawm awm lehin chawhnu lamah MBF Rorel Inkhawm a awm thung ang. He rorel inkhawmah hian kum 2019-2021 atana MBF hruaitu thlanna neih nghal a ni dawn a ni. Pathianni chawhma lamah vantlang inkhawm leh chawhnu lamah Fellowship leh Music zirhona Programme buatsaih a ni ang. Pathianni zanah vantlang Inkhawm awm lehin Confenrence khar a ni ang. (See:  Detailed Programme)

Mizo Baptist Federation hi April 12, 2012 khan Baptist Principle leh Doctrine chhunga awm, Mizoram-a Kohhran Pawl hrang hrang te Consultation nei chuan “Keini, Baptist Principle-a kal Kohhran aiawh kalkhawmte hian Inlaichinna leh thawhhona tha zawk kan neih theih nan leh Pathian ram tana tangkai zawka rawng kan bawlho theih nan, Vawiin April 13, 2012(Zirtawpni) hian Mizoram Baptist Federation(MBF) kan din ta” tiin resolution siamin an lo din a ni.

Tunah hian Mizo Baptist Federation-ah hian Kohhran Pawl paruk(6) awmin an inzawmkhawm a, heng member Kohhran te hi an Rorelna sang ber-ah an in palai tawn mek a ni.

MBF Memberte chu hengte hi an ni:-

1. Baptist Church of Mizoram (BCM)
2. Lairam Isua Krista Baptist Kohhran(LIKBK)
3. Congregational Church of Maraland (CCIM)
4. Isua Krista Kohhran (Bualpui NG)
5. Zomi Baptist Church (ZBC)
6. Evangelical Baptist Church (EBC)

Tuna MBF hrtuaitu ni mek te: Chairman         : Rev. F. Ramdinmawia (BCM) Secretary         : Rev. C. Hrangzuala (LIKBK) Asst. Secretary   : Rev. AZ. Beirona (CCIM) Treasurer         : Rev. Th. Vanlalzauva (LIKBK) Asst. Treasurer   : Upa Laizîka (EBC)