March thla Pathianni hnuhnung ber hi Mizoram Baptist Kohhran chuan Martarte Ni atana kan hman thin a ni a. Kuminah pawh March 28 hi Martarte Ni a nih ang in he Ni pual thupui atan “Thawhlehna tha lehzual an chan theihna turin chhan chhuah an duh lo” (Hebrai 11:35)  tih chu thlan a ni.

Kuminah hian Tumkau Pathianni (Palm Sunday) nen ni thuhmunah a tlak rual avangin Tualchhung Kohhran ten ruahmanna an siam ang in thuchah sawitu ten an duh lam hawi thupui an sawi theih tura ruahman a ni.

Kum 2002 –a BCM rorêlna sâng ber, Assembly chuan, “Krista rinna avânga Martarte hriatrêngna Ni hi hman ni se” tiin thu a passed a. ‘Martarte Ni’ atân hian March thla Pathian ni hnuhnûng ber hi kum tin hman thin a ni ta a ni.