Manipur Baptist Convention (MBC) hruaitu mi 15 te chuan Mizoram Baptist Kohhran inrelbawl dan a hmun ngeia zir chiang turin Lunglei an lo kal dawn. Manipur Baptist Convention (MBC) hruaitute hi November 4, 2014 ah an lo thleng ang a, BCM hruaitute nen inkawmna neiin Mizoram Baptist Kohhran kalphung leh inenkawl dan(Administration) thate entawn a, anmahni tana tangkai turte zir chian an tum a ni.

Pastoral Committee thukhawm:

Mizoram Baptist kohhran, Pastoral Department Committee Meeting vawiin leh naktuk awh tur chu an thukhawm mek a, member an kal tha hle. He Meeting-ah hian Pator lak tur Interview leh Pastor Ordain tur thlan leh Pastor Nupuite hna thawh nei chungchang thu te, Pastor Posting & Transfer te, Lunglei ABC 2 chu pali-a then thu te chu agenda langsar zual an ni. He Meeting-ah hian thurel tur(Agenda) 40 zet a awm a, ni hnih chhung hian an zawh hman loh chuan zing leh zan-ah te an chhunzawm ang.

BCM Communication leh Zonet thawkdun dawn:

Hun rei tak indawr a nih hnuin Mizorama Cable Network darhzau ber Zonet leh BCM Communications Department chuan inremna an siam ta. He thawhdunna inremna ang chuan kum 2 chhung a ni phawt ang a, a tul anga la pawhsei zel theih a ni ang. Inremna ang chuan Zonet Zawlbuk channel-ah Pathianni zan-ah darkar khat (8-9pm) chhung BCM programme chhuah thin a ni dawn a ni. He mi atan hian BCM Audio visual Unit chuan programme Cell dinin chak takin hma a la mek bawk.

Hnahthial South Bial BMP Inkhawmpui:

Hnahthial South Bial BMP chuan November 1-2, 2014 hian

Model Biak inah inkhawmpui an nei mek a. Thupui atan Lalpa lo kal lehna tih hmangin speaker atan bialtu pastor, Rev.K. Lalnunsanga an hmang.

R & D Mi dangte tan:

BCM Relief & Development Department chuan tun hnai khan Assam Dubri Area-a Women Skill Training bul tan nan puanthui khawl 5 an pe a, CMAI nen tangkawpin Malaria do kawnga hnathawktu tur mi 5 an la thar bawk.