Manipur Baptist Convention (MBC) hruaitu mi 12 te chuan Mizoram Baptist Kohhran inrelbawl dan a hmun ngeia zir chiang turin tunkar thawhlehni, November 4, 2014 khan Lunglei an lo thleng a. a tuk, November 5-ah nilengin BCM hruaitute nen inkawmna leh BCM hmun pawimawhte fang kualin hun an hmang a. Zan lamah Serkawn Kohhran-ah inkhawmpuiin, tukin zing khan Aizawl panin an chhuak leh ta  ni.

Heng Manipur Baptist Convention hruaitu te hi a tirah mi 15 lo kal turin an in beisei a, amaherawhchu rokhawlhna dang avangin mi pathum te chuan an thulh leh ta a ni. Ni khat lek an cham chhung hian BCM hruaitu hrang hrang leh Fellowship hruaitu te, Department hrang hrang hotute nen inkawmhona leh BCM rawngbawlna peng hrang hrang te, administration te an in kawhhmuh a, hlawk an intiin a theih chin chin-ah BCM kalphung chu zawm ve an duh thu an sawi a ni.