V.Lalengmawia(1981-2019)[/caption]
Pu V. Lalengmawia, Manager Baptist Printing Press chu Phneumonia natna avangin December 1, 2019 Chahnu dar 2:40 khan Ebenezer Hospital, Aizawlah a boral a. December 2, 2019 chhun dar 12:00 khan a chenna in, BPP Manager Quarters, Serkawn-ah vuiin, Serkawn thlanmualah ropui taka thlah liam a ni. Vuina Inkhawmah hian BCM aiawhin Rev. R. Lalbiakliana, AGS, Service-in thu a sawi a, BCM-a thawktuten a kuang hi thla an lakpui bawk. Vui hun chhung hian Executive Secretary Office, Aizawla thawktute chuan Pu Maenga pualin hun an lo hmang bawk a ni.
Pu V. Lalengmawia hi kum 1981, July 12 khan Upa V. Thanglura leh Pi R.Saimawii te inkarah a piang a, Pianpui unau mipa phnih leh hmeichhia pakhat neiin a naupang ber dawttu a ni. Kum 2003-2005 khan BCM tirhin Don Bosco School, Shillong-ah Printing Technology a zir chhuak a. 2006 -ah Baptist Printing Press-a thawk turin lak a ni a, Lawng tlaiah, Branch Manager hna thawkin, 2016 April atanga tun thleng hian Baptist Printing Press, Serkawnah Manager hna a thawk a ni. Pu Maenga hian a nupui Pi Lalrammuani Ralte (Tete-i) leh a fate pahnih Anna VL Hruaitluangpuii (kum 7) leh Joel Vanlalhruaizela(kum 5) mi te a kalsan a ni.
[caption id="attachment_15387" align="aligncenter" width="720"]
Pu V.Lalengmawia, a nupui leh fate nen[/caption]
Pu Maenga thih thu hian BCM pumpui a nghawr chhuak a, Mizoram Baptist Kohhran chuan a sun takzet a, a inpekna leh a ruahmanna te, a sulhnu leh a hnawthawh te hi BCM chuan a ngaihluin a chhuang tak zet a, rin loh leh beisei loh taka Kohrhan hote min kalsan ta mai hi kan uiin kan sun takzet a ni. A kalsan, a nupui fanau te leh a unau te Lalpa’n hruaiin awmpui zel se tih hi kan tawngtaina a ni.
[caption id="attachment_15388" align="alignnone" width="720"]
Pu V.Lalengmawia, a chenpui unaute leh an nupui leh fate nen[/caption]
