Self Help Group member te leh R&D Staff te[/caption]
Tunlai hian Mizoram Baptist Kohhran, Relief & Development chuan thingtlang hmun hrang hranga Lydia Project hnuaia Self help Group (SHG) te chu Project Incherg Nl. C. Remsangpuii leh R& D Staff te chuan a hmunah kalin an hmalak dan te an enpui a, an kal zel dan tur te kawhhmuhin a tlawh kual mek.
March 4, 2021 khan Mualthuam Self Help Group te tlawhin meeting neihpui ani a, Self Help Group te hmalak chhunzawm zel dan tur leh training neih na tur kawng chi hrang hrang te sawipui a ni a. SHG Member te pawh an kal thain an hmalak na te report pawh ngaihthlak a ni. He Programme tho hian March 2, leh ni 3 khan khan Bualte, Thuampui leh Dawn-a SHG member te tlawhin an lo kal tawh bawk. Bualte leh Thuampui-ah hian Self Help Group pahnih ve ve an awm mek a a ni.
Lidya Project hi kum 2011, January 16 khan Central Church, Aizawl-ah hawn a ni a, Baptist Union of Norway , Aisia-Pacific Baptist Federation, Baptist Church of Mizoram, Lairam Isua Krista Baptist Kohhran(LIKBK) leh Zomi Baptist Church ten Agreement sign-in hun rei tak kan thawkho thin a. Heng kan thawhpui Baptist Union of Norway te nen kan agreement a lo tawp tak hnu-ah hian BCM R&D chuan Project tih tawp mai lovin hemi atana a fund hmuh tawh sa la bang chu revolving fun ti-a hming vuahin ala kalpui ta zel a ni.
He Project-in a tum ber chu Mizo hnahthlak hmeichhia te – Chin Hills, Myanmar leh hmun dang atanga Mizorama lo pem te tana hmasawnna kawng zawn sak leh an dinhmun leh an thlarau nun chawi kan a ni a. Chumi tihlawhtling tur chuan Skill Training centre te buatsaihin Self Help Group(SHG) te dinpui an ni. Tunah hian Aizawl, Lunglei leh Lawngtlaiah he project hi hlawhtling taka kalpui mek a ni. Training hrang hrang te neihpuiin an eizawnna tur kawng dap sak thin a ni. SHG te hi Revolving Fund atangin loan pêk thin an ni a, Member-te hian an loan lâk atang hian eizawnna atân hna kawng hrang hrang an thawk a, an hlâwkpui hle thin a ni.
Tun dinhmunah Lydia project hnuai ah hian Lunglei distric leh Aizawl distric ah Self Help Group (SHG) nung tha tak 50 zet an awm mek a ni.
