LPS Vision chuan kohhran hrang hrangte puala hun hman theihna channel a siam thar dawn a, he ruahmanna tharah hian Mizoram baptist Kohhran pawh telin, zan dar 8-9 chhung hun a chang ve ang. Kohhran khatin darkar khat zel kan chang dawn a ni a, kan chan hun tur hi a pawh a pawh a ni. LPS hian November 2016 atanga tan thei turin ruahmanna an siam a ni.
BCM hian Zonet Cable -ah hian Pathianni zan 8-9 tho a nei sa a, mahse digital a thlak a nih tak hnu hian enkawp theih a ni ta lo va, chuvangin cable pahnihah hian programme neih a tul ta a ni.
Tin, he mi bakah hian Lunglei Cable Operator pahniha chhuah turin JND Channel-ah BCM Communication chuan hma a la mek a, hei pawh hi peih thuai tura beisei a ni bawk.
Hemi chungchang thu-ah hian Pu Vanlalruat Kawlni, BCM A/V Manager chuan Kohhrante hnenah ngenna siamin Kohhranhote he Programme-a tih chhuah duh neite chuan an Programme te Video/DVD -in BCM AV hnenah thawn tur leh a remchan anga lo tihchhuah sak an nih tur thu a sawi a. Video fiah leh sound tha erawh a ngaih tur thu a sawi bawk.
