Lithotripsy Machine with Doctor incharge : Dr.Zaute-i[/caption]
Vawiin, April, 8,2019(Thawhtanni) zing dar 9:30 khan Christian Hospital, Serkawn-a hman tur Kala lungte awm chhutkehna khawl thar(Lithotripsy Machine) chu Rev. R. Zohmingliana, AGS i/c Service-in Pathian hnenah hlanin a hawng.ย Khawl thar hawnna Programme tawi hi Medical Superintendent, Upa Dr. B. Laldinlianaโn kaihruaiin he khawl lei a nih dan leh hmalak dan te sawiin report tlangpui a pe bawk.
Medical Superintendent chuan, heng Donier Company siam, Lithotripsy machine hi tunlai khawvel-ah pawh a chungnung leh tha ber ni a. Khawl man leh khawlin a ken tel accessories te nen vek hian cheng nuai 96 man vel a ni a, hei bakah hian a dahna buiding buatsaih nan sum engngemawzat hman a ni bawk. He khawl hi April 1, 2019 khan Install fel niin damlo mamawhna avangin hawn a nih hma hian mi pathum kala lungte awm chu hlawhtling taka chhutkeh sak an lo nih tawh thu a sawi. [caption id="attachment_14020" align="aligncenter" width="720"]
Med.Superintendent, Dr.B.Laldinliana[/caption]
[caption id="attachment_14019" align="alignright" width="300"]
BCM General Secretary: Rev.F.Ramdinmawia'n BCM awiawhin thu a sawi[/caption]
BCM General Secretary Rev. F. Ramdinmawia pawhin he khawl lei tur hian kawng thui tak zawh a nih thu sawiin, BCM Assembly 2017-ah lei tura passed a ni a. Lei theih dan tur kawng hrang hrang te dapin dawr kual a ni a. Assembly sum awm sa a awm loh avangin Finance Department-in sum neih theih dan tur ruahmanna te siamin hma a la bawk a. Bank Loan te lak a ni a, a chah nan leh thil tul hrang hrang te tihfel a nih hnuah ataka kan hnen a lo thleng ta hi a lawmawm a tih thu a sawi a,. Damlo mamawhte tan tangkai taka hman a nih theih nan BCM aiawihin duhsakna a hlan bawk.
[caption id="attachment_14021" align="aligncenter" width="720"]
AGS i/c Service: rev.R.Zohmingliana[/caption]
AGS i/c Service Rev. R. Zohmingliana pawhin Khawvel thang zelah hmasawnna thar kan hmu ve zel a, Christian Hospital pawhin kawng hrang hranga hmasawnna kawng rahbi thar a chuangkai ve zel chu lawmawm a tih thu sawiin, he khawl hi tangkai taka hman a nih a, damlo mamawh ten damna an channa tura Pathian hmanraw tangkai tak a nih theih nan tawngtaiin Pathian hnenah a hlan. Programme hman zawhah light refreshment buatsaih a ni bawk. He hunah hian Christian Hospitala thawktu thenkhat leh BCM Hqrs hruaitu thenkhat an kalkhawm a ni.
[caption id="attachment_14023" align="aligncenter" width="720"]
Lithotripsy Machine thar hmangin Kala Lungte awm an chhu keh[/caption]
