Lay Leadership Training
Academy of Integrated Christian Studies(AICS) bul tuma Kohhran hruaitute puala Training programme hman thin Lay Leadership Training chu November 26-30, 2014 chhung hian Tlabung pastor bial huapin Tlabung Biak inah neih mek a ni.
He programme hmang tur hian AICS atangin Rev. Dr. R. Zolawma, Rev.Dr.C. Vanlaldika leh Rev.PC. Zosangliana te bakah Lunglei atangin Rev.Dr. Raltawnga leh Rev. R. Zohmingliana, Pastoral Coordinator te an kal bawk.
Aizawl City BMP Meet:
Kan tarlan tawh ang khan Aizawl khawpui huam chhunga Baptist Kohhran Mipa Pawl (BMP) te chuan a vawi 18-na atan November 28-30, 2014 chhung hian Aizawl City BMP Meet, Kanaan Veng Biak inah an nei dawn a, thupui atan ‘Dinthar lehna’ tih thlangin speaker atan Rev.F. Sangvela an hmang ang.
TKP Gospel Meeting:
Ramlaitui Unit TKP buatsaih Gospel Meeting November 28-30 hmang hian neih a ni dawn a. He Gospel Meeting-ah hian MTKP Organiser, Rev. Samuel Lalremsanga chu speaker a ni ang a, MTKP Thupui, Intodelh chungchang ziritr turin Pu Lalnuntluanga, MTKP Executive Committee member leh Leadership Training neihpui turin Pu Laltholeha chhakchhuak, MTKP Executive Committee member te an kal dawn a ni.
Christian Hospital Lawngtlai Retreat:
Christian Hosptial Lawngtlai chuan December 1-5, 2014 hian Retreat an nei dawn a, speaker atan Upa C. Lalbiakthanga, HA, ES Office, Lawngtlai an hmang.
KNP Inkhawmpui:
Bunghmun bial KNP Inkhawmpui November 28-30 hian KNP Promoter, B. Singpari hovin neih mek a ni.
Zawlnuam bialah Missionary Furlough & Gospel Meeting
Missionary Eunice Lalrinpuii chuan a furlough programme hmasa berah tun kar chhung hian Zawlnuam Pastor bial a fang dawn a. Tin, November 27-28 hian Baptist English School, Zawlnuam chuan an bialtu pastor, Rev.K. Vanlalzika hovin Gospel meeting an nei.
Kohhran Feh chhuak mek# Tuichawng CBC Kohhran chuan Rupena speaker-a hmangin Camping an nei mek a; he camp senso hi Zobawk Ebenezer Kohhran tum a ni a, Ebenezer atangin member 5 in an awiawm.
