Mizoram Baptist Kohhran, Lawngtlai Area Media Ministry te hmalâknain Lawngtlai khawpui chhûnga Kohhran Programme hrang hrangte Local Channel-a pêk chhuah theih tûrin buatsaih a ni a. September ni 7, 2017 khan JH Lorrain Hall Lawngtlai Bazarah BCM Khâwnvâr Channel hawnna Rev. R. Lalbiakliana, Executive Secretary, Lawngtlai chuan a nei. He Programme hi Skynet kal tlangin thla khata chawlhkâr vawi khatna leh vawi thumnaah tihchhuah thin a ni ang.

Tunah hian BCM hian Audio Visual hmanga rawngbawlna hi LPS, LDF leh JB Cabble Network te kaltlangin Khawnvar Programme hi tih chhuah thin a ni a. Kohhran programme pawimawh leh Sermon, Interview, Report leh Zaia rawngbawlna hrang hrang te a ti chhuak thin a. Heng bakah hian Aizawl, leh Lawngtlai lamah te pawh Media Ministry hmanga rawngbawlna hi kalpui mek a ni bawk.