Baptist Church of Mizoram, Social Concern Department chuan Tunkar Inrinni February 8, 2014 hian Lawngtlai Bazar Biak inah nilengin Social Concern Department Awareness Programme an hmang dawn a. He programme-ah hian Lawngtlai khawpui chhung Pastor bial 3 atanga Upa leh Rawngbawltu leh Fellowship Organisations hruaitute tel vek turin an inhriattir a. Headquarters atangin AGS i/c Service, Rev. Lalbiaksanga Chinzah hovin Rev. Lianchhunga Khiangte, Rev. Sangliankhuma Chinzah leh Pi Lalnunzami Chawngthu te an kal ang; Pastor ho hian Pathianni-ah Kohhran hrang hrangah thusawi rawngbawlna hun an hmang bawk ang.
.........................
Pro.Pastor 5 lalut dawn:
Mizoram Baptist Kohhran chuan February 9, 2014 (Pathianni) hian Mizoram chhim lama Biak in hmasa ber, Sethlun Biak inah tun hnaia Probationary Pastor atana lak thar mi 5 te lak luhna inkhawm a buatsaih dawn... (Read Detail)........................
MTKP Rorel neih mek a ni
Mizoram Thalai Kristian Pawl (MTKP) Rorel vawi 60-na chu Vawiin, February 6, 2013 hian Mizoram Baptist Kohhran Biak In, Ramhlun 'S', Aizawl-ah neihmek a ni a. Chanchin ziak lai hian Rorel palai 404 an ni. (Read Detail)
........................
Zotlang Pastor bial Worship Seminar
Zotlang Pastor bial (Aizawl) chuan February 8-9, 2014 khian Kanaan Biak inah Worship Seminar an buatsaih dawn a. Resource person/ Speaker atan FOD leh Worship & Music Director, Rev. KV. Thanga an hmang ang.
............................
Budget thar Vaibelchhe 56 leh Nuai 42 + beisei
Mizoram Baptist Kohhran Executive Committee Meeting, January thlaa neih zawh takah khan Kum 2014-2015 atana Proposed Budget Rs. 564,257,300 chu pawmin Assembly 2014-a thlen chhoh a remti ta a. Budget pumpui-ah kum hmasa aia a punna 19.08% a ni a, Church Contribution tur atan Rs. 356, 583,900.00 niin nikum aia a punna 23.54% a ni.
..............................
Rev. Rodinmawia Bishopโs College-ah
BCM Pastor thawk lai, AICS Lecturer, tuna Serampore College, Kolkatta-a Doctorate ti mek Rev. Rodinmawia Ralte chuan a zir chhuah veleh Bishops College-ah Lecturer hna a zawm dawn a. Bishop Colege hian BCM hnenah Rev. Rodinmawia hi anmahni pui turin a dil a, Administrative Committee chuan kum 2 chhung atan puih a remti ย a ni.
