Mizoram Baptist Kohhran, Lawngtlai North Pastor Bial Rorel 2021-in a rel bawhzuiin December 11, 2021 (Inrinni) khan BCM Biak In, Kanaan, AOC Vengah Bial chhunga Rawngbawltute pualin Training buatsaih a ni. He Training-ah hian Bial chhunga Kohhran hrang hrang panga atangin Rawngbawltu mi 42 telin, Bial puipate’n an tawiawm bawk.
Training hi hun hnih-ah thenin, chawhma lamah Resource person Rev. H. Lalremruata, Lawngtlai North Bialtu Pastor in hun a hmang a, chawhnu lamah Resource person Upa C. Thankima’n hun a hmang thung. He hunah hian BCM kalphung hrang hrang te, Bial leh Tualchhung Kohhran inenkawl dan te, Mimal nuna thil hriat tur pawimawh leh Rawngbawltute tana tih tur leh tih loh tur kawng hrang hrangin zirtirna an pe a ni. Rawngbawltu kalkhawm ten he orientation hi hlawk thlak an tiin, Kohhran tan leh Rawngbawl zelna atana thil pawimawh tak tak an hriat belhin, Thlarau lamah pawh hlawk thlak an ti hle.
Lawngtlai North Pastor Bial chhungah hian tualchhung Kohhran 5 awmin, Rawngbawltu mi 51 an awm mek a, Training-a kal te hi tlai lamah a dawltu Kanaan Kohhranin chawhlui an buatsaih sak a ni.
