September 26-27, 2020 chhung khan Rev. R. Lalnunzira, Executive Secretary hovin Lawngtlai khawpui chhunga Kohhran hruaitu leh LAAWC hruaitut nen Kohhran tenkhat tlawhin an hmalakna te an enpui.
Executive Secretary Lawngtlai Area hovin Rev. K. Laldosanga, Lawngtlai South bialtu pastor, Rev. Fanai Lalnunmuana, Lawngtlai North bialtu pastor, Upa K. Lalrohlua, Fin. Manager, BCM leh Lawngtlai Area Administrative Working Committee hruaitute chuan Lawngtlai Khawpui huam chhunga tualchhung kohhran - BCM Paniel, Thingkah, BCM Nazareth, Council Veng leh BCM Chawnhu-te tlawhin an hmalakna hrang hrangte a hmunah an enpui a ni.
September 26 (Inrinni)-ah Paniel Kohhran Biak In sak lai a hmunah en ho a ni a, kohhran hruaitute nen inkawmhona nei-in hma lak a nih tawh dan leh hma lak zui zel dan turte sawi ho a ni. BCM Paniel hi BCM Thingkah kohhran aแนญangin January 27, 2002 khan a in dang a, kohhran member 204 awm mekin, tuna Biak In sak mek hi May 12, 2015-ah sak แนญan niin, Rs. 39,00,000 sen a ni tawh a ni.
Nazareth kohhran tlawh chhunzawm niin, kohhran hruaitute nen Biak In sak lai mek bakah Central Kudam chhaka Biak In hmun tur Kohhran ram en nghal niin, hma lak zel dan tur sawi ho a ni bawk. Nazareth kohhran hi January 12, 1986-ah din niin, kohhran member 545 an lawi mek a ni. Biak In lungphum hi Rev. Tc. Laltlawmlova, ES Lawngtlai Area-in January 12, 1993 khan a phum a, tuna Biak In sak mek hi March 18, 2019-ah sak แนญan niin, tunah hian peih fel thawkhat a ni tawh a ni.
A tuk, September 27, Pathianni-ah Chawnhu Kohhran tlawh niin, kohhran hruaitute nen inkawmhona neih a ni a, kohhran ram dinhmun leh hma lak chhunzawm dan turte sawi ho a ni.
