Lawngtlai Area TKP Meet 2020[/caption]
February 21-23, 2020 chhung hian BCM Biak In, Electric Veng, Lawngtlai ah “Ka chakna Lalpa” tih thupui hmangin Area TKP meet neih a ni dawn a. Zanin dar 7:00-ah Palai lawmna leh Meet hawnna Inkhawm neih a ni ang.
Zanin Inkhawm hi H. Laltlanmawia, Vice President, TKP Siaha East Pastor Bial-in a kaihruai ang a, TKP Electric Veng Unit-in hawnna (opening ceremony) Item neiin, Lawngtlai Area BCM Choir ten opening Song an sa ang a, Rev. R. Lalnunzira, Executive Secretary-in Meet hawngin Key Note address a pe nghal ang.
Inrinni chawhma dar 11:00-ah Pathian Biak Inkhawm awmin Rbt. K. Lalbiakliana, President TKP Thingfal Pastor Bial-in Inkhawm a kaihruai ang a, Rev. Laltanpuia Colney, Lawngtlai East Pastor Bial-in ‘Ka chakna Lalpa – Rinawmna-ah’ tih thupui hmangin thuchah a sawi ang. He Inkhawmah hian Zaipawl 8 leh Solo 4 bakah Live Band te fakna hla ngaihthlak a ni ang.
Inrinni zan-ah Rev. H. Lalremruata,Lawngtlai South Pastor Bial-in ‘Ka chakna Lalpa - Sual donaah’ tih thupui hmangin thuchah a sawi ang a, Pathianni zing Inkhawm-ah Rev. K. Lalbiakenga, Organiser, MTKP-in ‘Ka chakna Lalpa - Rawngbawlnaah’ tih thupui hmangin thuchah a sawi ang. Pathiani chawhnu-ah Praise & Worshipo Service neih a ni ang a, P.P. Vanlalrema Renthlei, Paithar Pastor Bial-in a kaihruai ang. Pathianni zanah Rev. Fanai Lalnunmuana, Lawngtlai North Pastor Bial-in : ‘Ka chakna Lalpa - Thianghlimnaah tih thupui hmangin thuchah a sawi ang a, Meet hi a tiak ang.
Lawngtlai Area TKP Meet hi Lawngtlai Area huam chhungaPastor Bial 17-a ṬKP-te inthlun khawmna LAṬKP Coordination Committee chuan Lawngtlai Area-a ṬKP member-te rawngbawlna kawnga an intihchak tawnna atan kum 2/3 kar danah a buatsaih ṭhin a ni.
