February 22, 2023 (Nilai) zan khan Lawngtlai Area ṬKP Meet Vawi 8-na, 24-26. Feb, 2023 chhunga neih tur hlanna inkhawm neih a ni a. BCM Biak In, New Siaha ah neih ni in, Organising Chairman Upa JF. Vantawna'n a kaihruai a. Siaha East Bialtu Pastor, Rev. Lalchhuankima chuan, Lawngtlai Area ṬKP Meet hi ṭhalai te'n  Pathian thlarau thianghlim awmpuina leh kaihhruaina changa, a chhimtu ten tisa chauh ni lova, thlarau lamah hlawkna nasa tak an chan ngei theihna tura Pathian kaihhruaina dila ṭawngṭaiin meet hlanna hi a nei a ni.

LAṬKP Meet hlanna Inkhawmah hian Kohhran ṭhalai pawl dang, New Siaha khawtlanga kan  rawngbawlpui- Lairam Isua Krista Baptist Kohhran Zaipawl, Isua Krista Kohhran Zaipawl, leh Evangelical Church of Maraland Local Church zaipawl ten rawngbawlna an nei bawk.