March 25, 2022 (Zirtawpni) khan Lawngtlai Area Development Working Committee meeting vawi 102-na chu J.H. Lorrain Hall Baptist House, Lawngtlai ah neih a ni a, meeting hi Area Development Committee Chairman Rev. K. Laldosanga’n a kaihruai a. Rev. R. Lalnunzira Executive Secretary report tlangpui a pe bawk.
Secretary Report ah hian - BCM 5th Planning Commission-in Lawngtlai Khawpui chhung ah Multipurpose Building 'Lai Christian Centre' tih hming pu tur sakna tur ram lei ni se ti-a a dah bawhzuiin, ram Rs. nuai 90 a lei fel a ni tawh thu te, Baptist Printing Press Lawngtlai Branch-a hman tur Digital Colour Printer Rs 395,560/ - a lei a nih thu te tarlan a ni a. Kohhran inhmel hriat tawnna tur leh rawng inbawltawnna tura ruahman Pulpit Exchange Programme Tualchhung Kohhran 50 te inkal thelh tura Working Committee in a siam chu tih hlawhtlin a nih tawh thu te, Chawngte ‘C’ a Chakma Mission Compound hungna tura Lawngtlai Town chhunga Kohhran hrang hrangte Executive Secretary appeal aṭang thilpek tlingkhawm cheng singkua chu Director, Chakma Mission hnenah hlan fel a nih thu te tarlan a ni bawk.
Assembly Target 2021-2022 Lawngtlai Area-in a pek dan dinhmun thlir a ni a, March 25 thlenga Lawngtlai Area Target aṭanga chhunluh zat 98.8% a ni a, nuai 13 chuang hleka la tlin loh a nih thu leh Bial ṭhenkhat aṭanga la lut tura beisei nen chuan Target hi khum ngei beisei a nih thu tarlan a ni.
Meeting thurel zingah Lawngtlai Area Church Expansion & Membership Drive Policy ruahmanna chu pawm a ni a, bawhzui chhoh nghal tura ruahman a ni.
