Tunkar Ningani, March 17, 2022 khan Lawngtlai Area BMP Coordination  Commitee (LABMPCC) Executive Commitee Meeting hmasaber chu J.H. Lorrain Hall, Baptist House Lawngtlaiah neiin, a tuk, March 18-ah Lawngtlai Area BKHP Coordination  Committee Meeting hmasa ber pawh J.H. Lorrain Hall ah vêk hian neih a ni bawk.

Lawngtlai Area BMP Coordination  Commitee  (LABMPCC) meeting hi Chairman Pu Hrangthanzova'n a kaihruai a, meeting thurel langsar zingah - MBMP-in Area BMP Meet neih a phal angin, Lawngtlai Area BMP Meet hi Nov 11 -13, 2022-ah BCM Bethani, College Veng Lawngtlai-ah neih ni se an ti a, Area chhunga Bial BMP hrang hrangte tlawh kual nise, MBMP Meet 2023 leh Area BMP Meet Motivational Campaign atan hman ni se, tih a ni bawk. Tin, 2022 August Ending turin Budget ₹ 40000/- ruahman a ni a, sum tuak dan turah Bial BMP te'n hun a laklawh bawk a, a hrana target pe lovin, theih ang ang thawhkhawm ni rih mai rawh se, tih a ni.

Lawngtlai Area BMP Coordination  Commitee  hi kumin 2022 January ni 8 khan MBMP phalna in din a ni a, tun dinhmunah Lawngtlai Area ah hian BMP member 2355 awmin BMP Unit 68 an awm a ni.

Lawngtlai Area BKHP Coordination Committee meeting hmasa ber pawh March 18, 2022 (Zirtawpni) khan J.H. Lorrain Hall, Baptist House Lawngtlai-ah neih a ni bawk a, committee member mi 24 an kal a ni.

Meeting chuan -  Lawngtlai Area BKHP Meet chu October 2023 Pathian ni hnuhnung ber beh chhanin neih ni se, a dawl turin BCM Bazar Lawngtlai-ah te ngen ni se tih a ni a, meet budget atan hian ₹ 70,000/- ruahman a ni a, Area chhung Pastor Bial BKHP pahnih tal Lawngtlai Area BKHP Coordination Committee hruaitute hian tlawh ni se an ti bawk. August 2022 Ending turin Budget ₹ 50,000/- pass a ni.

Lawngtlai Area-ah hian BKHP member mi 5326 awm mekin, BKHP Unit 88 an awm mek a ni.