March 5, 2021 khan Lawngtlai Area Administrative Working Committee (LAAWC) meeting vawi 95-na chu Executive Secretary Office Lawngtlaiah neih a ni.
He Committee hi 2019-2021 term atan Committee hnuhnung ber a ni a, committee member an kal kim a ni. Committee Chairman Rev. Lalṭanpuia Colney -in meeting kaihruaiin, Rev. R. Lalnunzira Executive Secretary Lawngtlai-in report a pe bawk.
Secretary Report-in a tarlan danin February 2021 thlengin Lawngtlai Area pumpui chuan Assembly target 98% an pe tawh a, Financial Year tawp March 2021 ah chuan Target hi engemawzata khum ngei an beisei thu tralangin, Area chhunga Kohhran lian deuh-te'n Kohhran fahrah zualte tlawh leh Biak In sa laite ṭanpui tura Administrative Working Committee-in programme a siam pawh hlawhtling takin Kohhrante'n an hmang a, sum leh paia in ṭanpuina pawh nuai engemaw zat a luan chhuah thu a tarlang.
Baptist Printing Press Lawngtlaia hman tur Electric current tih sanna 3 phase Stabilizer 10 KV/A, Servocon Company Delhi aṭanga chah pawh a lo thlen tawh thu leh ṭangkai taka hman nghal a nih thu thu leh he khawl lei nan hian cheng nuai khat tling lo deuh sen a nih thu a tarlang bawk.
He Meeting hian - Christian Hospital Lawngtlai tih changtlun nan nasa zawka hma lak ni se tih te, Biakin ramri fel tawk lo awmte ching fel tura hmalak ni se, Kohhran indanna tura Biakin sak mekte chak leh zuala kalpui tura hmalak ni se tih te leh Lawngtlai Area Baptist Mipa Pawl Meet 2021 neih tura hmalak chhunzawm zel ni se ti te an rel a ni.
