Vawiin February 10, 2021 chhun dar 12:30 khan Kristian Hospital Serkawn kum za tlin hriatrengna atana Building sak tur โKristian Hospital Serkawn Centenary Buildingโ chu sak tan turin General Secretyary Rev. F. Ramdinmawiaโn lung a phum.
Centenary Building Lungphum programme tawi hi Upa Dr. Lalramzauva, Medical Superintendent, Christian Hospital Serkawn-in a kaihruai a. Kristian Hospital lo in din chhoh dan report tlangpui pe-in tuna Centenary Building sakna tura hma lak dan te a sawi bawk.
Property Manager Pu Victor Lalrinawma Sailo-in Building sak dan tur ruahmanna report tlangpui a sawi a, Building hi cheng nuia 500 senga sak tura ruahman niin L-shape chhawng (floor) hnih a sak tur a ni. Rev. F. Ramdinmawia, General Secretary-in Lungpheka thu ziak, Foundation-a phum tur chu hawngin Rev. R. Lalbiakliana, Associate General Secretary-Service in Pathian hnena lawmthusawina leh malsawm tawngtaiin programme a khar.
Kristian Hospital, Serkawn hi kum 1923, February 10-ah khum 10 neiin Dispensary atangin Damdawiin pangngaiah hlan chhoh a ni a. Pathian hruaina-in kawng hrang hrangin hma a lo sawn ve zel a, tunah chuan khum 100 awmin Doctor leh Nurse te nen, thawktu 160 chuang an awm mรชk a, he Hospital atang hian Kristian Hospital, Lawngtlai chu din a ni a, Town Clinic, Falkawn Lunglei-ah hawngin mumal taka kalpui a nih bakah a khat tawkin Community Health Clinic neiin Thingtlang khaw kilkhawr deuh deuhah an fehchhuak reng bawk a ni. Hospital bakah hian, Nursing School changtlung tak awm in, tunah hian College level-a upgrade tura hma lak mek a ni bawk.
