BCM Medical Department hotute leh Mizoram Sorkar hmalakna-in May 6, 2021 atang khan Christian Hospital Serkawnah Official in Covid Test-na, Rapid Antigen Test (RAgT) test an kalpui ve tan ta. Covid Test kalpui tan ni, May 6 atanga May 20 thlenga Test tawh zat hi mi 311 niin heng zingah 310 negative-in, positive pakhat hmuh chhuah a ni.

Sample lakna ni Hospital Annexe building luhna gate Chhung-ah dahin, zing lam dar  9:30 am – 4:00 pm chhungin hawn thin a ni a, Test man hi mi pakhat zelah Rs 500 a ni, Hospital lam hotute chuan Test-na man hi a to deuh bik nachhan hi Test Kit hlui, a man to chi hman a la nih thu an sawi. Kristian Hospital-a Admit ngai leh awmpuitu tur te hi RAgT hmanga endik hmasak vek niin, heng ho bakah hian mahni duhthu-a test duhte tan pawh Hospital Building chhunga lut lovin Pawn lam Gate sira Hospital Annexed building ah test hi kalpui thin a ni. Positive hmuh chhuah te chu Sorkar-in SOP a duan angina CCC-a dah turin Sorkar lama thawktu bik te bia-in an rawn la zel dawn a ni.