CHS Centenary Building-Architectural Drawing[/caption]
Assembly, 2020-in Kristian Hospital, Serkawn kumza tlin hriatrengna atan Hospital Centenary Building sak ni se ti-a a lo rel tawh bawhzuiin, BCM Property Department chuan hma a lo chho mek a, tunlai hian Building sakna tur hmun buatsaih hna thawh tan niin kumthar lamah a ban phun theih turin chak taka hma lak a ni. He Building thar atan hian tuna Hospital OPD Buiding awm mek hi sak chhunzawm tura ruahman a ni a, Rs, nuai 530 senga sak puitlin tum a ni.
[caption id="attachment_17896" align="aligncenter" width="474"]
CHS Centenary Building-Architectural Drawing[/caption]
Covid-19 hrileng avanga khawvelin harsatna kan tawh mek karah BCM pawhin sum renchem a tul tih hre rengin, hmachhawp tam tak a neih te an chawl deuh vek rih a. Hetih lai hian he building sak tura ruahman erawh hi chu Kohhran mite leh Hospital tan mawhmawhna a san em avang leh hun a tam tawh loh avanga hma lak thuai a tul avangin bul tan rawih ni se la, chhunzawm zel dan tur pawh theih ang ang kawng dap zel ni se an ti a. Hemi lo bawhzuia, hma lo la tur hian Medical Superintendent leh Property Manager te ruat an ni a, anni hian kum 2023-ah chuan luah theiha peih fel hman ngei tuminchak takin hma an la a ni.
[caption id="attachment_17895" align="aligncenter" width="474"]
CHS Centenary Building-Architectural Drawing[/caption]
Hospital, Serkawn hi kum 1923, February 10-ah khum 10 neiin Dispensary atangin Damdawiin pangngaiah hlan chhoh a ni a. Pathian hruaina-in kawng hrang hranginj hma a lo sawn ve zel a, tunah chuan khum 100 awmin Doctor leh Nurse te nen, thawktu 160 chuang an awm mêk a, he Hospital atang hian Kristian Hospital, Lawngtlai chu din a ni a, Town Clinic, Falkawn-ah hawngin mumal taka kalpui a nih bakah a khat tawkin Community Health Clinic neiin Thingtlang khaw kilkhawr deuh deuhah an fehchhuak reng bawk. Hospital bakah hian, Nursing School changtlung tak neiin, College a upgrade tumin hma lak mek a ni bawk.
