Mizoram Baptist Kohhran chuan kum dang ang bawkin May 14-20, 2018 chhung hian Kristian chhungkaw Chawlhkar a hmang leh dawn a; Headquarters atangin hemi chawlhkar-a chhungkaw tin thu zir tur a buatsaih angin hman a ni ang. Kumin hian zirlai pali (4) kan zir leh dawn a, Thawhtan zan, Thawhleh zan, Ninga zan leh Zirtawp zanah te Mahni chhungkua theuah zir tur a ni ang.
Tin, Kohhran Inkhawm hun pangngai – Nilai zan, Inrinni zan leh Pathianni zanah te Kristian Chhungku tih thupui hmangin Biak In tinah thuchah ngaihthlak a ni bawk ang. May ni 20, 2018 Pathinni hi Thlarau Thianghlim thlen Ni leh Kristian Chhungkaw Ni a lo inrual avangin Zing lam Sermon-ah Thlarau Thianghlim thlen Ni thupui hman tur a ni ang a, zan lamh Kristian Chhungkua thupui hman tur a ni ang.
Mizoram Baptist Kohhran General Secretary chuan he hun hi ngaipawimawh a, chhungkaw Progamme tibuai thei zawnga Bial leh Tualchhung ten programme dang siam lo turin Kohhran te a ngen a ni.
Kristian chhungkaw chawlhkar thu zir tue thawn chhuah mek a ni a hmuh tlai palh a awm theih avangin Programme a hnuaia mi ang hi a ni.
| Date | Day | Zirlai | Thupui |
| May 14,2018 | Thawhtan zan | 1-na | Kristian Chhungkaw Lungphum (Tobul) |
| May 15,2018 | Thawhlehni zan | 2-na | Kristian Chhungkuate harsatna |
| May 16, 2018 | Nilaini zan | Sermon | - |
| May 17, 2018 | Ningani zan | 3-na | Kristian Chhungkua leh Politics |
| May 18, 2018 | Zirtawpni zan | 4-na | Kristian chhungkua leh khua leh tui tha nih |
| May 19, 2018 | Inrinni zan | Sermon | - |
| May 20, 2018 | Pathian ni zing | Sermon | Thlarau Thianghlim thlen ni (Ni Pawimawh bu-a mi angin sawi ni se |
| May 20, 2018 | Pathian ni zan | Sermon | Kristian Chhungkuaa Lalpa malsawmna |
