Mizoram Baptist Kohhran chuan kum dang ang bawkin May 15-21, 2017 chhung hian Kristian chhungkaw Chawlhkar a hmang leh dawn a; Headquarters atangin hemi chawlhkar-a chhungkaw tin thu zir tur a buatsaih angin hman a ni ang. Kumin hian zirlai pali (4) kan zir leh dawn a, Thawhtan zan, Thawhleh zan, Ninga zan leh Zirtawp zanah te Mahni chhungkua theuah zir tur a ni ang.
Tin, Kohhran Inkhawm hun pangngai – Nilai zan, Inrinni zan, Pathianni zing leh zanah te thupui thlan sa hmangin Biak In tinah thuchah ngaihthlak a ni bawk ang. Mizoram Baptist Kohhran General Secretary chuan he hun hi ngaipawimawh a, chhungkaw Progamme tibuai thei zawnga Bial leh Tualchhung ten programme dang siam lo turin Kohhran ti-ah ngenna a tichhuak a ni. A hnuaia tarlan ang hian programme duan a ni.
| Date/Days | Zirlai | Thupui |
| May 15, 2017 Thawhtan zan | Zirlai 1-na | Chhungkua-a nu leh pa hlutna leh chhungkaw inlaichinna |
| May 16, 2017 Thawhleh zan | Zirlai 2-na | Sum leh pai hman dan dik leh thilpek |
| May 17, 2017 Nilaini zan | Sermon | Kristian chhungkua leh Pathian chibai buk. |
| May 18, 2017 Ninga zan | Zirlai 3-na | Kristian chhungkua leh incheina |
| May 19, 2017 Zirtawp zan | Zirlai 4-na | Kristian chhungkua leh Social Media |
| May 20, 2017 Inrinni zan | Sermon | Kristian chhungkua leh eizawnna |
| May 21, 2017 Pathiani zing | Sermon | Ni Pawimawh bu-a mi rin a ni. |
| May 21, 2017 Pathiani zan | Sermon | Ni Pawimawh bu-a mi rin a ni. |
