Kristian Chhungkaw Ni; May 19, 2019 @Serkawn[/caption]
Mizoram Baptist Kohhran chuan Kristian Chhungkaw Chawlhkar atana a lo ruat, May 13-19, 2019 chu hmang zovin hemi atana chhungkaw thuzir tur an buatsaih pawh zir zawh a ni ta a. Tarlan tawh ang khan kum dang ang bawkin kumin Kristian Chhungkaw Chawlhkar thuzir hi zirlai pali (4) zir niin, Inkhawm loh zan-ah te mahni chhungkua theuhah zir a ni a. Kohhran Inkhawm hun pangngaiah erawh chuan thupui thlan sa hmangin Biak In tinah thuchah ngaihthlak a ni thung.
Nimin, May 19,2019 Pathianni khan Kristian Chhungkaw Chawlhkar khar nan a bik takin 'Kristian Chhungkaw Ni' (Special Sunday) atan hman a ni a. Zing Inkhawmah Headquarters atanga thupui thlansa 'I inah rawngbawlna tan rawh" tih thupui hmangin thuchah ngaihthlak a ni a, Pathianni zanah "Kristian Chhungkua leh Thianghlimna" tih thupui hmangin a hmawr bawk a ni.
Kristian Chhungkaw Ni; May 19, 2019 @Serkawn : KNP Group Special Item[/caption]
BCM Headquarters thuthmun, Serkawnn Kohhran-ah chuan Kristian Chhungkaw Ni hi Zosap Missionary te hun lai atanga urhsun takin an lo hmang thin chu la chhawm nung zelin, Biak In-ah Chhungkaw engemawzatin an chhungkaw member Ropuina rama haw tawh te hriatreng nan Pangpar an dah leh a. Heng Pangparte hi Biak In Pulpit hmaah dahin Kohhran Secretary-in pangpar dahtute chhungkua leh an dah chhan te sawiin, urhsun takin hun hman a ni.
Tin, Chhungkuaa hla rem thei leh Changvawn sawi thei chhungkua te an awm chuan hun pek thin an ni a. Chhungkaw ngemawzatin hetiang hun hi an hmang thin a ni. Heng chhungkua bakah hian Special Item nei thei Group/mimal leh Fellowship atang te-in item tha tak tak a awm thin a, kumin Kristian Chhungkaw Ni Pathianni zing inkhawmah pawh hetiang hun hmang thei hi engemawzat awmin Kohhran ten an hlut hle a ni.
[caption id="attachment_14275" align="aligncenter" width="720"]
Kristian Chhungkaw Ni; May 19, 2019 @Serkawn :Special Item : Sangtea & Friends[/caption]
[caption id="attachment_14278" align="aligncenter" width="720"]
Kristian Chhungkaw Ni; May 19, 2019[/caption]
