Mizoram Baptist Kohhran chuan kum dang ang bawkin “Kristian chhungkaw Chawlhkar” chu May 10-16, 2021 chhung hian a hmang leh dawn a; Headquarters atangin hemi chawlhkar-a chhungkaw tin thu zir tur a buatsaih Rev. C. Lalhungliana ziak Kristian Chhungkaw chungchang zirlai 5 awmna chu chhungtin te hnenah sem chhuah a ni a. Pathianni zing leh zan atan sermon thupui thlansa a awm bawk a ni.
Kumin-ah hian Covid-19 hrileng avanga ram pumah Inkhawm leh inpawlho kan neih thin te tih theih a ni lo va. chuvangin kumina Kristian Chhungkaw Chawlhkar hun chhunga Nilai zan, Inrinni zan, Pathianni zing leh Pathianni zan hun te pawh ruahman sa angin hman theih a ni dawn lova. Mahni chhungkua theuhah hlawk thei ang bera hmang turin BCM Headquarters chuan kohhran chhung tinte a ngen a ni.
Kristian Chhungkaw chawlhkar thuzir te hi TV leh Youtube lama en theih turin buatsaih a ni a, heng thuzir te hi zirlaibu a zir hun tur tarlan ang zela pek chhuah a ni ang.
