K. Lalrinkimi[/caption]
BCM Mission hnuaia Missionary rinawm leh hna thawk tha, Pi K. Lalrinkimi chu vawiin, August 1, 2017 atang hian Pension-in a chhuak ta. S. Vanlaiphai Tualchhung Kohhran leh Bial Mission te chuan *Krista Pasalțha lo hawng* tur hi ropui taka lo hmuah an tum a. Welcome Banner te siamin Bial Mission bul tumin Bial BMP/TKP/BKHP ten Chawimawina Thilpek hrang hrang an pe ang.
Pi. K. Lalrinkimi hi July 21, 1955 ah S.Vanlaiphai ah a piang a. A pa Upa K. Vaikhuaia (L); a nu Pi C. Zaizapi (L) te an ni a. A pa hi Phawngpui tlang bulțhut, Vawmbûk a Kohhran dintu te zing ami a ni. Unau Mipa 4 leh Hmeichhia 6 an ni a.
Thiamna lamah HSLC a ni a, 1987 leh 1993 ah te Missionary a nih anga a hman țangkai tur Medical Training a nei a. 1993 ah MTI ah a Training a; 2001 ah DIET a Training bawk. 1987 ah Missionary turin a chhuak a, February 1989 thleng Phairuangchhuah ah a awm a. February 1989 - Feb 1998 Samuksury ah a awm a. February 1998 - Jan 2001 Tuichawng ah a thawk leh a, February -April 2002 Hmunthar ah a awm zawk a. April 2002 - Jan 2006 Rangte ah awm lehin, January 2006 ațangin Pension a a chhuah thleng hian Samuksury ah a awm ta a ni.
Pi Numami hi a awmna hnam ten an ngaina-in an duh em em zel a. An naupan laia a ziritir leh a lo kaihhruai tawh te, tuna lehkhathiam tak tak leh hna sang tak tak chelh tawhte pawhin a hranpa ngatin lawmthu an rawn hrilin an rawn tlawh chhuak leh hial a ni.
Mizoram Baptist Kohhran chuan hetiang mi, Krista tana a that lai hun zawng zawng hlan a, a awmna hmun apianga rinawm leh taima taka thawk thin, Thlarau bo tam tak sengkhawm hna thawktu Pi. K. Lalrinkimi hi a chhuangin a rawngbawlna hi a ngaihlu em em a, a hmalam hun lo kal zel turah duhsakna sang ber a hlan a ni.
