Mizoram Baptist Kohhran-in TV leh Youtube kaltlanga Krismas leh Kumthar Inkhawm programme a buatsaih chu December 18, 2020 (ZIrtawpni) zan atang hian tan a ni dawn ta. Krismas Inkhawm hi December 27 thleng zan tin neih thin a ni ang a, December ni 28 atangin Kumthar inkhawmin chhunzawm nghal a ni ang a, January ni 9, 2021 thleng neih zui a ni ang.
Inkhawm apiangin Pastor leh Evangelist te thuchah bakah Pathian fakna hla tha tak tak, Mimal, Group leh Zaipawl zai ngaihthlak tur a awm thin dawn a ni. Kohhran hruaitu hrang hrangin Krismas chibaibukna an sawi bawk ang.
Heng Inkhawm Prorgamme hi ZONET Rinna Channel-ah zan dar 6:00 leh LPS 12 Khawnvar Channel-ah zan dar 8:00-ah pek chhuah thin a ni ang a, BCM Youtube Channel-ah pawh inkhawm tan rual hian pekchhuah zel a ni ang a, TV lamah chuan zan lama chhuak hi a tuk chhun lamah pawh a chhuahna Channel ngaiah chawhnu dar 1:00 leh dar 2 :00 ah te pek nawn thin a ni bawk dawn a ni.
He Inkhawm hi Mizoram Kohhran zawng zawng ten kan lo chhim leh kan lo zawm atan buatsaih a nih angin, General Secretary Rev.F. Ramdinmawia chuan Kohhran chhungtin te he hun hi lo chhim a, lo zawm theuh turin an sawm a ni.
Kohhran chhungtinte hriattirna leh ngenna
