Tunkar Pathianni April 3, 2022 chawhma dar 10:00 khan Mizoram Baptist Kohhran Biak in, Ramthar, Lunglei-ah Missionary Tirhchhuah inkhawm neih a ni a. Tun tumah hian Rev. A. Zohrânga, Regional Director, Kolkata Region-a awm tur leh Rev. ZD. Lalrozuala, Field Director, Arunachal Far East Field-a awm tur te Tirhchhuah an ni.

Missionary Tirchhuah Inkhawm hi Rev. R. Lalthangliana, Director, Mission in a kaihruai a, Pi Bethsy lalrinsangi’n Pathian fakna hla sa-in, Missionary mamawhna leh Tirhchhuah turte chanchin tawi Pu T. Nghaksanga, Mission Promoter-in a sawi a, Missionary Tirchhuahte hnen atangin Testimony ngaihthlak a ni bawk, Rev. F. Ramdinmawia, General Secretary-in Tirchhuakin,  Rev. R. Lalbiakliana, AGS-in Missionary te tana tawngtaisakna a neih hnu-ah, Rev. Dr. C. Vânlaldika, AGS-Mission-in thuchah a sawi a, Rev. R. Zohmingliana’n Malsawm tawngtaiin Inkhawm a tin a ni.

Rev. A. Zohrânga, Regional Director, Kolkata Region	Rev. ZD. Lalrozuala, Field Director, Arunachal Far East Field

Missionary Tirhchhuah te hi April 5 & 6, 2022 chhung hian Headquarters Office, Serkawn-ah Orientation neipui an ni ang a,  April  thla chhungin an post hi thleng tura beisei an ni a,  Charge an lak fel hnu-ah an hna an zawm nghal dawn a ni.