Kar hmasa Zirtawpni, November 18, 2021 khan Kolkata Regional Office-ah Kolkata Region hnuaia Field Director te pualin Training neih a ni a. Training hi General Secretary, Rev. F. Ramdinmawia leh AGS (Mission) Rev. Dr. C. Vanlaldika ten an hmanpui.

Kolkatta region hnuai ah hian Field pali- North India, Madhya Pradesh/Maharastra (MP & MS), Jharkhand, West Bengal leh Mission Station Pakhat- Andaman & Nicobar Island te an awm a. Tun tum Field Director te pual Training ah hian Mission Field pali a Director te an tel kim thei a ni.

Training ah hian General Secretary Rev. F. Ramdinmawia’n Planning Commission ruhmanna thar kawhhmuhna te, Constitution leh Finance Rules thar chungchanga hriat tur pawimawh te kawhhmuhin zirtirna a pe a, AGS (Mission) Rev. Dr. C. Vanlaldika’n ‘BCM Mission Planning, Policy leh Strategies’ tih leh  "BCM Mission Administration" tih thupui te hmangin zirtirina a nei a,  Regional Director Rev. R. Lalrintluanga’n – “Thlarau lam inbuatsaihna Mission Rawngbawlnaah” tih leh  “Mission Rawngbawlna a thawhhona” tih thupui hmangin zirtirna a pe bawk.