BCM Social Concern Department buatsaihin November 29, 2014 hian Kolasib Pastor bial huapin Diakkawn Biak inah zuk leh hmuam thatlohzia inzirtirna programme buatsaih a ni a. Headquarters atangin AGS i/c Service, Social Concern Department Director ni bawk, Rev. Lalbiaksanga chinzah hovin SCD Committee member te Rev.J. Chalhlira leh Upa M. Thansiama te an kal. Pathianni hian Bial chhung Kohhran hrang hrangah insemin hun an hmang ang.
Mizoram Baptist Kohhran Assembly March 2014-a Serkawn-a neih chuan kumin hian Zuk leh hmuam that loh zia nasa zawka inzirtir ni se ti-a a rel bawhzuina a ni a, Tualchhung Kohhran, Bial leh Assembly (Headquarters) bakah Fellowship (TKP, BKHP, BMP leh KNP) te pawhin bawhzuiin kawng hrang hangin hma an la chho mek a ni.
