Mizoram Kohhran Hruaitute Committee (MKHC) chuan Yoga chungchang a Hriattirna, Kohhran tinah puang zar turin min ngen a. Mizoram Baptist Kohhran chuan MKHC hriattirna hi a ngaipawimawh hle a, Kohhran mipuite kan lo in ven theih nan kan han tarlang a ni.
Yoga chungchanga - Kohhran mipuite hriattirna 1. Yoga hi Hindu philosophy a innghat tlat a nih avangin tih-Kristian theihah kan ngai lo.
2. Yoga hmanga damna an sawi hian taksa damna chu eng emaw chen a thlen ve ani mai thei a; mahse, damna tluantling, Isua Krista atanga damna ang tak tak hi a thlen ve lo.
3. Yoga hi zâwi tê têa Kristiante chîm ral tumna leh sakhaw danga inlehtîrna tûra mi thinlung chhum hmin tumna hmanrua hlauhawm tak niah kan ngai a, chuvângin kohhran mipui zawng zawngte lo invêng fimkhur tûrin kan inngên a ni.
He thu hi Tualchhung Kohhran thupuan-ah te, Tualchhung Chanchinbu leh Social media-ah te a remchan anga lo thehdar turin Media kaltlangin Kohhran hote kan in hriattir a ni e.Sd/- Rev. F. Ramdinmawia General Secretary, Baptist Church of Mizoram
