May 19, 2021 (chawhnu dar 02:00) thlenga Kohhrana thawktu/pensioner (a rami thawktu telin) leh an chhungte Covid 19 vei mekte dinhmun Kohhran hoten kan tawngtapui theih nan lo tarlang ila;

1. Pu Kiran Jyoti (Chakma Bible Translator) leh a fanu Liberty (kum 10). Chakma Mission Director Rev. Dr. C. Lalruatthanga vawiin, 19 May, chawhma dar 11 a kan biakna atanga an chanchin. An ni pafa hi Covid Care Centre, Chawngte a enkawl lai an ni a, tun dinhmun ah harsatna lutuk an nei ta lova, tun inrinni (May 22) ah an test ang a, an dinhmun tur a chiang ang. An lo negative ngei theih nan tawngtai ila.
   
   
2. Pu C. Lalthawmliana (Nunsuri, Chakma Mission). Vawiin , May 19, chawhma dar 11 a Chakma Mission Director Rev. Dr. C. Lalruatthanga hnen atanga thu kan dawn dan in, Pu C. Lalthawmliana hian engmah harsatna a nei lova,anmahni chenna ah an inenkawl a, a nupui Pi Lalsangzuali nena khawsa an ni a, an nu hi a postive tih hmuhchhuah a ni hran lova, a ni hi tun thla ni 26 ah test a ni ang a, naktuk (May 20) hian Pu Thawma hi test a ni thung ang, an result atangin an dinhmun tur a chiang ang. An lo negative ngei theih nan tawngtai ila.
   
   
3. Tv.Hnemtu Lalngaizuala (S/O Pu J.Lalsawmliana, Missionary, Debitola). Pu J.Lalsawmliana vawiin, 19 May chawhma dar 11:15 a kan biakna atangin a fapa Zuala chanchin hetiang hi a ni e, Zuala hi zirna avanga a cousin te nen inluaha Aizawla awm an ni a, tunkar thawhtan (May 17) khan a pum a nat avangin Aizawl Civil Hospital an panpui a, hetah hian Covid-19 a kai tih hmuhchhuah a ni a, ZMC ah admit nghal a ni a, tunah tak chuan a pumna pawh a zia viau a, khuh a nei tel bawk tihloh chu symtom dang a nei rih lem lo.
   
   
4. Rev. Lalbiakhlua (Field Director, Arunachal West Field). A nupui Pi Lalmuanpuii Fanai vawiin May 19 chawhnu dar 1-a kan biak pawhna atanga a chanchin hetiang hi a ni e, a khawsik a awm tawh rih lova, nizan lam pawh a luhai in a tiharh zawk tihloh chu harsatna dang a nei lova, tukin a tho pawh hma a sawn hle a, chaw pawh ei in a tui tihna (taste) pawh a nei leh tan tawh e. Hma a sawn zel theih nan tawngtai ila.
   
   
5. Nyson J. Lalnunruata (Huto, Arunachal West Field). Vawiin, May 19 Chawhma dar 11:30 ah azia deuh ni a kan hriat avangin amah kan bia a, tunah hian Lekhi Covid Care Centre-a enkawl mek a ni a, a luh zan (Pathianni May 16) a damdawi an pek bak nachhawkna a kawl tihloh chu damdawia enkawl lutuk a ni lova, hma a sawn hret hret a, lu na leh khuh in a a la tibuai a, a khuhna hrawk thip avangin tuiril tih loh chu chaw lam ei a hartsat deuh bawk. Arunachal hi an Health Care a chuti teh lua loh avangin tawngtaipui an mamawh hle a, hma a sawn zel theih nan tawngtai ila.
   
   
6. Rev. Lalhmingchhuanga Jongte (North India Mission, New Delhi). Vawiin chhhun dart 12-a a fanu Ruthi kan biakna atanga chanchin. Nimin lama a chanchin bak chu vawiin lamah damdawi in atangin chanchin tharlam an dawng rih lova, kan hriat ang khan ICU ah Ventilator hmanga enkawl a ni a, a chuap a timur (cell) insiam thar te awm in beiseina a sang chho hle a, a oxygen an pek pawh 100% a kaltir lovin 90% ten an han kal tir tan a, a lungphu (heartbeat) hi normal ai in a sang hleka, hlaauhthawnawm erawh a ni lo. A lo thatchhuah leh ngei theih nan tawngtai ila. Amah (kan biak) Ruthi leh a nau Mama pawh in engmah symtom leh harsatna an nei tawh lova "kan negative vek tawh a rinawm" a ti. Hetih lai hian Rev.Hmingchhuanga thiannu Pi Madawngi pawh harsatna em em nei tawh lo mahse, an pa dinhmun ngiahtuah vang te pawh a ni ang a, a taksa a chau viau thin a, tawngtaipui a ngai viau mai.
   
   
7. Pu K. Lalchungnunga (Tinsukia, Upper Assam). Vawiin May 19, chawhnu dar 12:15 ah Field Director kan biakna atanga an chanchin; Pu K.Lalchungnunga hian khawsik leh luhai te a neih avangin vawiin hian an fanu Kimkimi (nurse) thawhna damdawi in ah in entir in an kal a, hetah hian Covid-19 positive a ni tih hriatchhuah a ni a, BP sang te alo nei bawk a, damdawi in lamah an inenkawl beisei a ni a, chanchin kan buatsaihlai thleng hi chuan la admit a ni lova, an la buaipui mek a ni.
   
   
8. MP & MS -a a ram mi thawktu fa te. Field Director Rev.V.Biaknunsanga kan biak pawhna atanga MP & MS field a a ram mi thawktu (Cook) fate pathum chanchin hetiang hi a ni; Kiran Mawaskar leh Chhaya Mawaskar ten khuh leh hritlang an la nei a, Rebecca Sawalkar hian engmah symptom a nei tawh rih lova, anni pathum hi tuna in lama la enkawl lai an ni. Mi dang zawng chu an negative vek tawh e.
   
   
9. Pu Siamkima Khiangte (Lalmati, Assam). Rev. K. Lalnunsanga, Director Guwahati vawiin May 19 chawhnu 12:25 a kan biakna atanga chanchin. Pu Siamkima hi an awmna atanga KM 25 a hla Covid Care Centre-a enkawl mek a ni a, tun dinhmunah engmah harsatna a nei lova, amahin engkim a inbuaipui thei vek a ni. A nupui fanau te pawh anamhni in lam ah pawn chhuak lovin an awm a, engmah harsatna an nei rih love.
   
   
10. Tv TC. Lalremruata (Jharkhand). Field Director Rev. K. Lalhnehliana vawiin May 19 chawhnu dar 1 a kan biakna atanga a chanchin, ani hi Field Director thuthmun Dumka khua ah an Biak In ah Isolation-a enkawl a ni a, tun dinhmun ah amah ah engmah harsatna a nei tawh lova, hma a sawn viau e.
    
    
11. Rev. TC Laltlawmlova te nupa. Vawiin May 19 chawhnu dar 1:10 ah amah Rev.TC Laltlawmlova kan be pawp thei a, in lama in enkawl an ni a, tun thleng in harsatna leh symptom engmah an nei lova, tunkar zirtawp May 21 hi an sample test leh hun tur a ni a, an negative ngei theih nan tawngtai ila.
    
    
12. Pu C. Lalremruata te chhung (Kolkata). Director, Kolkatta Region Rev. R. Lalrintluanga vawiin chawhnu dar 1:30 khan kan be pawp thei a, ani hnen atanga chanchin kan hriat dan hetiang hi a ni e. Pu C.Lalremruata hi Ventilator support-a ICU-a enkawl mek a ni a, vawiin lama a dinhmun hetiang hi ani, a potassium hniam hi control niin tunah chuan a normal tawh a, a BP hi ala hniam hle a, a chuap tih loh a taksa peng pawimawh dang (vital organ) ho hi chutiangin a la chhe lem lova, beiseiawm tak ala ni e. Kohhran hote nasa lehzualin tawngtai ila. Hetih lai hian an fanu Mercy hi Covid avangin a mit ah harsatna a nei a, MRI tiin tunah hian a result nghah mek a ni a, tin a nu Tluangpuii nen covid sample test result hi nghah mek a ni bawk.
    
    
13. Pi Lalthanpari leh an nau Parteii. Rev. R. Lalrintluanga hnen atang tho hian a nupui Pi Lalthanpari leh an nau an hnena awm Parteii te pawh an taksa ah harsatna an nei tawh lova, an sample test result nghah mek a ni bawk. An lo negative ngei theih nan tawngtai ila.
    
    
14. Pi Debbie Zirthanpuii (W/o Rev. Pc Zosangliana) Pune: A ni hian that lam pan zelin, harsatna lutuk a nei tawh lo a, chutih rual erawh chuan nau pai lai a nih avangin tawngtainaah hre reng i la, vawiin lam khan sample lak a ni leh e, naktukah a result chhuak tura beisei a ni. A lo negative theih nan tawngtaisak ila. (Source - Rev. Pc Lalropuia, Pune)

Heng bakah hian thawktu/Pensioner dang natna khirh tak avanga enkawl mekte a hnuaia kan rawn tarlante tan hian tawngtai bawk  ila:-

1. Rev. V. Lalthlamuana: Kal thlak ngai, Kolkata a enkawl mek a ni.
2. Rev. R. Lalchamliana: (Pensioner) Cancer natna avangin Christian Hospital, Serkawn-ah enkawl mek a ni.
3. Pu B. Jonathana, Missionary Tripura: Cancer natna avanga enkawl mek a ni.
4. Rev. Dr. F. Hrangkhuma, (Pensioner) Bangalore
5. Pi Zonunpuii (w.o K. Lalzuimawia, Missionary, Arunachal Pradesh : Cancer natna avanga enkawl mek a ni.

-Communications Department(BCM)