Vawiin, September 9, 2019, Chawhma dar 12:30 khan Mizoram Baptist Kohhran, Kohhran Upa Exam Board chuan Kohhran Upa Exam Result-2019 chu a tar chhuak ta a. O Grade-ah 36 passed-in, A Grade-ah mi 83 leh B Grade-ah mi 21 an passed a, a dang pathum te chu C-ah an passed a ni.Kohhran Upa Result puan inkhawm hi Sap Upa leh Pu Buanga Hall, Serkawn-ah neih niin Rev. C. Chhuntluanga, Coodinator, Pastoral Ministry in a kaihruai a, report tlangpui a pek hnuah Pathian hnenah a tawngtaia, Rev. F. Ramdinmawia, General Secretary leh Kohhran Upa exam Board Chairman ni bawk chuan Result hi a tlangzarh a ni. He hunah hian BCM Hqrs. Office-a thawktute leh Kohhran Upa Exam Board member te an kal khawm a ni.
Kuminah hian Kohhran Upa atana thlan thar, Tualchhung Kohhran hrang hrang atangin mi 150 report dawn a ni a, heng zing atang hian mi 7-in exam an ti thei lo va, 143-in exam hmachhawnin an vaiin an passed a ni. Heng Upa exam Pass te hi October 27, 2019 khian an awmna Area Baptist Council (ABC) Inkhawmpui-ah ordain an ni ang.
Mizoram Baptist Kohhran Inchhiarna(Statistics) 2018-2019 -in a tarlan danin, BCM hi Area Baptist Council (ABC) 14 ah then a ni a, Pastor Bial 85 awmin, Tualchhung Kohhran (Local Church) 677 an awm a. Kohhran Upa 3229 an awm mek a, ABC Inkhawmpui October 2019 zawh hia n tuna Kohhran Upa Passed mi 149 te hian an belh leh dawn a ni.
| Result khaikhawmna: | ||
| Classification of GRADES | ||
| Grade - | O | 85% |
| Grade - | A | 70% |
| Grade - | B | 55% |
| Grade - | C | 40% |
| Total Candidates | 150 | |
| Expired | - | |
| Absent | 7 | |
| Total Candidates Appeared | 143 | |
| No. of Grade O | 36 | |
| No. of Grade A | 83 | |
| No. of Grade B | 21 | |
| No. of Grade C | 3 | |
| Compartmental | - | |
| Total | 143 | |
