#Theiriat Pastor bial Zai Kûtpui
Theiriat Pastor bial Worship & Music Committee chuan July 31- August 2, 2015 hian Sethlun Biak inah Zai Kûtpui an buatsaih dawn a. Bial chhung Kohhran 6 leh 2nd.Battalion MAP Kohhran atangtein Zaipawl bakah solo, duet, trio, quartet leh Group zai te an awm ang.
#Bazar Pastor bial Sakawrdai bialah Camp
Bazar Pastor bial chuan Sakawrdai Pastor bial huapin August 1- 8, 2015 chhung hian Crusade & Camping an buatsaihsak dawn a, Bazar bial hian speaker (Tv.Lalhriatpuia Chongthu, Horeb Ministry) leh senso an tumsak vek dawn a, team member eng emaw zat bakah Upa PC. Liankhama leh Upa R. Tawnliana ten an tawiawm ang.
#Seminar nei dawn
Pastoral Committee chuan tun lai hian Lunglei khawpui chhung Pastor bial hrang hrangah Kohhran pun leh than dan tur ngaihtuahin Seminar a buatsaih kal mek a. Electric bial, Bazar bial leh Chanmari bial huapin neih a ni tawh a, Tun Pathianni (August 2, 2015) chawhnu hian Serkawn bial huapin Upa leh Rawngbawltute pual Seminar an hmang leh ang.
#Phuldungsei bialah Christian Education Department
Christian Education Department chuan August 1-2, 2015 hian Phuldungsei Pastor bialah Sunday School Training/Seminar an buatsaih a; Headquarters atangin Christian Education Department Director, Rev.V. Vanlalchhunga leh Sunday School Trainer, Pu K. Lalrammuana (City Church, Aizawl) te an kal ang.
#Ramhlun South Kohhran Silver Jubilee
Aizawl Ramhlun South Kohhran chuan kum khat chhung an Kohhran Silver Jubilee lawmna programme hrang hrang an hman tawh hnuin August 1-2, 2015 hian a lawmna pui ber Main Celebration an nei dawn a. Thupui atan ‘Lalpa chunga in lawmna chu in chakna a ni si a,’ tih thu hmangin thu leh hlaa inpawlho bakah ruai nen an lawm dawn a ni. He Kohhranah hian member 520 chuang hlek awmin Kohhran Upa 12 leh Rawngbawltu 7 an awm mek.
#Mission Convention
Gosen Kohhran, Electric veng Lunglei chuan August 2, Pathianni hmang hian Mission Convetion an nei dawn a; speaker atan Rev. F. Sangvela an hmang ang.
#Saiha Town Church Kohhran an hlim
Saiha Town Church Kohhran chu Camping leh Crusade boruak vang pawh ni lovin an hlim hle a, July thla tir atang khan zan tin inkhawmin an zaikhawm thin a, ruahman anga an awm theih chuan August 1, 2015 hian ruai buatsaih a, nilenga Pathian faka zaiho an tum.
#Evangelism Programme
Kan hriat theih chinah heng Kohhranah te hian Evangelism programme kalpui mek a ni:
@Siachangkawn Kohhranah crusade - speaker: Evan.LH. Biakchungnunga, Gospel Hunters
@Zion Kohhran, Lawngtlaiah camping-speaker : Evan. Lalhuliana Chhangte, Gospel Herald
@Hnahthial Chanmari Kohhranah camping- speaker: Evan.T. Lalengzauva, Revival team
@Hnahthial Bazar Kohhranah camping-speaker: Evan Dochhunga, Riangvaite Thian team
@Haulawng Ltt Kohhranah camping-speaker: Evan.David-a, Evangelical Revivalistic Ministry
@Thuampui Kohhranah camping- speaker: Rev. F. Lalnunmuana, bialtu pastor.
@Aizawl Republic Kohhranah camping- speaker: Evan K. Lalenga, Chanchin Tha Chhuangtute
@Lunglei Farm veng Kohhranah Camping-speaker: Evan. Tlangmawia, Mizoram for Christ
@Lawngtlai Chanmari Kohhranah camping - speaker: Evan.F. Lalnuntluanga, Gospel for All
