BCM, Venghlun, Thenzawk[/caption]
Vawiin, Zirtawpni, November 1, 2019 dar 11:00 khan Mizoram Baptist Kohhran, General Secretary, Rev. F. Ramdinmawia chuan Thenzawl Pastor Bial-ah Kohhran thar leh Biak In thar, BCM Venghlun, thenzawl a hawng. He Kohhran thar leh Biak In thar hawnna Inkhawm hi Rev. Dr. R. Lalthanmawia, Executive Secretary, Aizawl-in a kaihruai a, General Secretary-in Kohhran thar leh Biak In thar a hawn hnu-ah Rev. David Lalmalsawma Sailo, Bialtu Pastor-in report tlangpui a pe.
Rev. C. Chhuntluanga, Pastoral Coordinator-in Kohhran Hruaitute hlanna leh tawngtaisakna a nei a, Thenzawl Pastor Bial Zaipawl leh Bethlehem Kohhran Zaipawl te an zai bawk. BCM Venghlun, Thenzawl hi Bethlehem Kohhran atanga indang an ni a. Chhungkaw 44, Kohhran member 172 an awm a, Kohhran Upa 4 leh Rawngbawltu 3 an nei.
General Secretary hian November 2, 2019 (Inrinni) hian Hnahthial Venglai Kohhran Golden Jubilee lawmna a hmanpui leh nghal ang a, he hunah hian BCM aiawhin lawmpuina leh Pathian thuchah a sawi. Hnahthial-ah hian Rahsiveng Pastor Bial Zaipawl ten an tawiawm dawn a ni.
Hnahthial Venglaiah hian Kohhran chhungkaw 62 awmin Kohhran member 263 an awm mek a ni.
