Mizoram Sorkar, Chief Secretary & Chairman, State Executive Committee on State Disaster Management Authority, Mizoram-in April ni 16, 2020-a thu a tihchhuah Kohhran Office te chu tul bik thilah Office kai a phalsak angin, BCM Puipate inráwn khawm chuan Kohhran Office hrang hranga hna tul zual leh hmanhmawh thlak thawk turin Office kai dan tur hetiang hian a ruahman.
April 21 atangin Office hawn a ni ang a, Finance Department bakah hna tul bik nei te chauh Office kal theih a ni ang.
- Office hawn tih hian Staff zawng zawngte kaina tura tinzawn a ni lova, ṭul leh mamawh bîkte chauh a huam ang.
- Office hawn hun chhung hi 10:00AM - 3:00PM chhûng a ni ang.
- Pawisa chhunglut tur leh thil pawimawh zual bâk Office hna pangngai kalpui a ni lo ang.
- Office kai tûr bîk Staff chu anmahni hriattîr an ni ang.
- Office Staff zawng zawng kal hun tur chu rampum dinhmun a zirin la ngaihtuah a ni ang.
Lockdown chhunga Office kai dan ruahman ang hian BCM Headquarters Office, Executive Secretary Office – Aizawl leh Lawngtlai te bakah hna tul zual nei Department Office hrang hranga thawk te chu an veng chhunga Village Task Force emaw Local Task Force te phalna-in April 21 atang khan Office an kal tan a. Finance lam hna pawimawh zual te, Media lama thawk te, Relief hna thawktute leh Prnting Press-a thawk thenkhat te tih loh chu kal tir an ni lo. Hetih lai hian Hospital lama thawk, Medical Staff te erawh chu Lockdown-in a huam ve loh avangin an kalphung pangngaiin an kal reng a ni.
