(Mizoram Baptist Federation member Kohhrante inkar thu)

Mizoram Baptist Federation General Conference vawi 1-na chuan member kohhrante inkara inpalaitawn leh rawngbawlna inpawmsaktawn ni se tiin a rel a. He thu hi member Kohhrante rorelna sang ber (Assembly/Annual Council Meeting) -ah ngaihtuah theuh tura pek kan ni a. Member Kohhran hrang hrang ten kan ngaihtuah a kan thutlukna chu Mizoram Baptist Federation (MBF) Executive Committee vawi 3-na, July 29,2015 ah kan thlir a. Isua Krista Kohhran Hqrs.Bualpui (Ng) Assembly rorelnaah an lo ngaihtuah loh avangin an thutlukna an la rawn pe lut thei lo va. Member Kohhran dang zawng zawng -

• Baptist Church of Mizoram (BCM)
• Lairam Isua Krista Baptist Kohhran (LIKBK)
• Congregational Church of India, Maraland (CCIM)
• Zomi Baptist Church (ZBC)
• Evangelical Baptist Convention (EBC)

te chuan MBF General Conference rel ang takin member Kohhrante inkarah inpalaitawn leh rawngbawlna inpawm-saktawn kan remti tlang a ni tih kan inhriattir e.

Member Kohhrante kan inlaichinna hi ‘Fraternal Relationship’ tih a ni. Inpalaitawn leh rawngbawlna inpawmsak tih hian hengte hi a huam dan a ni:

1. Inpalaitawn-in a huam chin:

1.1. Assembly level rorelnaa inpalaitawn

1.2. Thalai pawl, hmeichhe pawl etc.inkhawmpui liana inpalaitawn.

2. Rawngbawlna inpawmtawnin a huam chin:

2.1. Pulpit rawngbawlnaa inrawih theih

2.2. Sacrament inpawmtawn

2.3. Puipa nghet pemte inpawmtawn chungchangah Tualchhung Kohhran hote thu ni se.

Hetiang hi a nih tak avang hian MBF member Kohhran mi leh sate lo dawnsawn dan tur chu Tualchhung Kohhran Committee lungrualna zela kalpui theih a ni tih kan inhhriattir a ni e.

Sd/- REV. H. LIANNGAIA General Secretary, Baptist Church of Mizoram